Musigati : Umupori yishwe n’umurwi w’abantu bitwaje imipanga

Yanditswe na MUGISHA Van Naris
Kuya 27 juin 2017 saa 12:44
Yasomwe : 14031
0 0

Umuporisi umwe yishwe n’abantu bataramenyekana bamusanze ku kirindiro aho yakorera ku murwa mukuru wa komine Musigati, iri mu ntara ya Bubanza, mw’ijoro ryo kuri uno wa mbere igenekerezo rya 26 Ruheshi 2017.

Uwo muporisi yitavye Imana azwi kw’izina rya Cyprien NGENDAKURIYO yari asanzwe akorera ku kirindiro kiri kuri posita iri ku murwa mukuru wa Komine Musigati.

Amakuru ava i Musigati amenyesha ko Cyprien NGENDAKURIYO yishwe n’abantu batanu hakoreshejwe umupanga bari bitwaje, imbere y’uko bamutwara inkoho, mu gihe yari acunze umutekano.

Umuvugizi w’igiporisi Pierre NKURIKIYE yemeje ayo makuru, aho yavuze ko abantu bataramenyekana bishe umuporisi APC NGENDAKURIYO Cyprien yakorera kuri posita ibika amafaranga iri kuri komine Musigati babanje kumukerera.

JPEG - 71.2 ko
Pierre NKURIKIYE umuvugizi w’igipolisi c’Uburundi

Yavuze ati :« Nk’igihe c’ isaha indwi z’ijoro niho kuri posita izi babikamwo amafaranga yo kuri komine Musigati iri mu ntara ya Bubanza inkozi z’ikibi zagandagura umuporisi asanzwe akorera kuri iyo posita, bamugandaguye bamukereye bongera baca bamwiba inkoho yari afise. »

Pierre NKURIKIYE avugira igiporisi c’Uburundi avuga ko kiretse inkoho y’uwo muporisi yibwe, kuri posita ata kindi kintu na kimwe cibwe, ariko ko ayandi makuru azomenyekana inyuma y’amatohoza azokorwa kuri urwo rupfu.

Umuvugizi w’igiporisi amenyesha ko abantu batatu bamaze gufatwa ku mvo z’amatohoza, muri abo bafashwe harimwo abanyezamu babiri.


Kumenyekanisha

1
Ndayikeza Pascal Aba Kumusoz wa Masare Cartien Mubone Mkaba Mba Kumusenyi 28-06-2017 à 20:36

birababaje Cane Kurworupfu Rwakorewet Uwo Muporisi Gukererwa Umunt Ataco Azira

2
MAZINA 27-06-2017 à 14:09

Ah bon !! Les chargés de la sécurité au Burundi ne sont pas en sécurité ? Pourtant ils nous chantent tous les jours que la sécurité est totale dans ce petit pays pauvre !

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha