Bujumbura-Mairie: Igiporisi casubiriye gusaka muri Quartier INSS

Ico gikorwa co gusaka kibaye ku ncuro ya kabiri mu minsi itatu gusa, muri iyo quartier isanzwe ibamwo abategetsi, hamwe na bamwe mu baserukira ibihugu vyabo mu Burundi.

Ku munsi wa gatatu igenekerezo rya 21 Ruheshi 2017 igihe hakorwa ico gikorwa co gusaka nyene, umuvugizi w’igiporisi Pierre NKURIKIYE yavuze ko ata kintu gishasha cabaye ariko ko ari igikorwa gisanzwe c’abajejwe umutekano.

Ku munsi wa mbere, igenekerezo rya 20 Ruheshi 2017, igikorwa co gusaka carabereye kandi muri quartier ya Kiriri, umuvugizi w’igiporisi Pierre NKURIKIYE yavuze ko naho nyene cari igikorwa gisanzwe c’igiporisi, kandi basanze abaho badakoresha amakaye y’imiryango, aca asaba abajejwe intwaro guhimiriza kugira bazirondere.