Incamake

Bujumbura-Rural : Abantu babiri bapfiriye mw’isanganya ry’imodoka yo mu bwoko bwa Probox

Yanditswe na MUGISHA Van Naris
Kuya 25 décembre 2017 saa 08:24
21990
0 0

N’imiburiburi abantu babiri baritavye Imana mw’isanganya ry’imodoka yo mu bwoko bwa Probox ryabaye ku mugoroba wo kur’uyu w’Imana igenekerezo rya 24 Kigarama 2017, hagati ya Komine Mubimbi na komine Isale zo mu ntara ya Bujumbura Rural.

Iryo sanganya ryabaye nk’igihe c’isaha icumi na zibiri n’igice kw’ibarabara ry’igihugu RN1 riva mu gisagara ca Bujumbura, rigana intara ya Ngozi.

Umuvugizi w’igiporisi Pierre NKURIKIYE abicishije ku rubga rwa Twitter yemeje ayo makuru, akaba yamenyesheje ko abantu babiri aribo bitavye Imana, uwo mwanya nyene.

Ryabaye isanganya rya kabiri rikomeye ryabaye kur’uyu w’Imana, inyuma y’irindi ryabereye mu ntara ya Bujumbura Rurarl nyene, kw’ibarabara ry’igihugu RN7, aho imodoka y’ishirahamwe OTRACO yatembagaye, abantu indwi baritaba Imana, 47 nabo barakomereka.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha