Buyenzi:Ikiziga c’umugabo atamenyekanye catowe mu muserege

Yanditswe na MUGISHA Van Naris
Kuya 16 janvier 2018 saa 10:43
21390
0 0

Ikiziga c’umugabo atamenyekanye catowe muri quartier Buyenzi, ahari igituro c’imodoka zunguruza abantu hazwi nko kur foyer, mu gatondo ko kur’uyu wa kabiri igenekerezo rya 16 Nzero 2018.

Amakuru ava aho mu Buyenzi amenyesha ko abazindukiye mu mirimo basanze ico kiziga mu muserege ujana amazi, ariko amamuko yiwe n’umwidondoro wiwe bikaba bitamenyekanye.

Abakorera hafi y’ico kibanza bakamenyesha ko ashobora kuba hayashizwe n’inkozi z’ikibi zihejeje kumugandagura, zimunize.

Ico kiziga kikaba cahavuye gutwarwa na rusehabaniha, kijanwa mu buruhukiro bw’ibitaro bimwe biri mu gisagara ca Bujumbura.

Mu giporisi c’Uburundi baremeza ayo makuru ; umuvugizi w’igiporisi Pierre NKURIKIYE amenyesha ko uwo yatowe ikiziga azwi kw’izina rya NDAYISABA Joachim yavuka muri komine Buraza, intara ya Gitega.

Pierre NKURIKIYE avuga ko yoba yishwe n’abagenziwe bakorana ubusuma bwo kwiba mw’ijoro, bamuziza terefone ngendanwa boba bari bivye mu micungararo y’aho yatowe ikiziga.

Umuvugizi w’igiporisi amenyesha ko abantu batanu bakorana ubusuma bamaze gufatwa ku mvo z’amatohoza.


Kumenyekanisha

1
BUKEYENEZA Vianney 20-01-2018 à 08:03

Nukuri Ivyaha Vyabaye Umurengera Mu Burundi Bwacu.None Ababikora Ko Twumva Ngo Barafatwa,babacira Uruhe Rubanza ?Ko Twumva Ngo Amatohoza Yatanguye,none Ko Batatubwira Icayavuyemwo ?Ni Babe Batomora Neza Ibihano Batanze Niho Na Nyavyaha Vyogabanuka.Murakoze.Ndi I Burundi , Intara Ya Karusi, Komine Gitaramuka

2
Bonesha 19-01-2018 à 20:40

Nyamba Yarigisuma Ntamahungiro Kuko Abakora Benivyo Umugaban Wabo Ni Mukiyaga Caka Umuriro Namazuku Mutegur Inzira Zanyu Hakiboneka Akanya Ko Kwihana

3
ruberintwari anaclet 16-01-2018 à 14:48

Ico kiziga ko kitavuga, bamenye gute abo bisangiye ubusuma !!!
Uyo murwi w’ibisuma polise yarisanzwe iwuzi rero !!

4
Abdillah 16-01-2018 à 13:05

Ibintu nkivyo birashobra kuba ahantu hari uruja nuruza nkarurya sagahomera bunwa umutekano wigihugu wifashe nabi igiporisi umengo kijejwe kwinyegeza .ubwo nuburangazi bwabapilice kuk inkoz yikibi yakoze ivyo vyose ntakuntu nakumw itomenyekana .

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha