CPC Alain Guillaume BUNYONI :Abiyerereza n’abasegerereza biva kw’itituka ry’imico

Yanditswe na Bikorimana Vianney
Kuya 28 December 2017 saa 11:40
Yasomwe :
0 0

Umushikiranganji w’umutekano CPC Alain Guillaume BUNYONI amenyeshako abantu biyerereza hamwe n’abasegerereza mu gisagara biva kw’itituka ry’imico hamwe n’ihungabanywa ry’umutekano bigatuma biba ingorane ku gihugu.

CPC Alain Guillaume BUNYONI yagize ati: “ Abiyerereza n’abasegerereza n’ingorane ku gihugu biva kw’itituka ry’umutekano hamwe no kwitituka ry’imico y’igihugu. ”
Naho biruko uyo mushikiranganji avuga ko ivyo bikorwa vyo gusegerereza no kwiyerereza bihanwa n’amategeko mpanavyaha.

CPC Alain Guillaume BUNYONI ashikiriza yuko benshi murabo bantu basegerereza hamwe n’abiyerereza bafise imiryango bavamwo ari naco gituma reta izokora ibishoboka kugira ishobore kumenya neza abantu murabo badafise imiryango.

Uyo mushikiranganji w’umutekano yibutsa ko Reta yafashe ingingo yo gushiraho ibigo hamwe n’ibigega mu ma komine bizofasha abazoba bamenyekanye ko batagira imiryango bavamwo.

Ishirahamwe ryitaho agateka k’abana FENADEB riheruka gusaba yuko ikiringo catanzwe kugira abantu basegerereza hamwe n’abiyerereza mu gisagara bave mu gisagara ko cokongererezwa hongere hamenyekane igituma abantu baja mw’ibarabara .


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha