Cibitoke : Umuntu yahitane na Gerenade, bane barakomereka

Yanditswe na Egide NDUWIMANA
Kuya 17 Gitugutu 2017 saa 12:01
Yasomwe : 7929
0 0

Umusore w’imyaka 15 azwi kw’izina rya Kansuraheba niwe yahitanwe na Gerenade yatewe mw’ijoro ryo kuri uwu wa mbere nk’igihe c’isaha zitatu z’ijoro muri zone Rugajo, komine Mugina, intara ya Cibitoke. Iyo Gerenade yakomerekeje abandi bantu bane bo mu muryango umwe.

Nk’uko mu giporisi babimenyesha, iyo Gerenade yatewe n’abantu bataramenyekana, ku rugo rwa Ntacobita Ismail na Nsabimana Didace.

Abo bantu bo mu muryango umwe bakomerekejwe na Gerenade ni Misigaro Chadrak, Nduwimana Désiré, Niyomahoro Josiane, hamwe na Ntaconayigize, bakaba bariko bavurirwa ku bitaro vy’intara ya Cibitoke.

Abantu babiri nibo bamaze gufatwa n’igiporisi ku mvo z’amatohoza, mu giporisi bakavuga ko amatati y’amatongo hamwe n’ukwagirizanya uburozi arivyo vyoba biri inyuma y’ubwo bugizi bwa nabi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha