Cibitoke : Umurovyi yari yafashwe n’igisirikare c’Urwanda yashikirijwe igiporisi c’Uburundi

Yanditswe na MUGISHA Van Naris
Kuya 24 Ruheshi 2017 saa 09:24
Yasomwe : 21159
0 0

Umurundi yari yafashwe n’igisirikare c’Urwanda kuwa gatatu igenekerezo rya 21 Ruheshi 2017 ku ruzi Ruhwa ku rubibe Uburundi buhana n’Urwanda yashikirijwe igiporisi c’Uburundi mu ntara ya Cibitoke.

NDAYIKENGURUKIYE Jackson asanzwe akora akazi ko kuroba yashikirijwe Uburundi inyuma y’umutaga wo kuri uno wa gatanu igenekerezo rya 23 Ruheshi 2017,inyuma y’iminsi ibiri ari mu minwe y’igisirikare c’Urwanda.

Ku rupapuro rwerekana ko NDAYIKENGURUKIYE Jackson ashikirijwe igiporisi c’Uburundi, Reta y’Urwanda yamenyesheje ko yirukanywe ku butaka bw’Urwanda kuko yari ahari adakurikije amategeko.

Amakuru y’irekurwa rya NDAYIKENGURUKIYE Jackson yemejwe kandi n’igiporisi c’Uburundi, umuvugizi w’igiporisi Pierre NKURIKIYE abicishije ku rubuga rwa twitter yanditse amenyesha ko ari inkuru nziza ko NDAYIKENGURUKIYE Jackson yari yafashwe n’igisirikare c’Urwanda yashikirijwe Uburundi ku ruzi Ruhwa.

NDAYIKENGURUKIYE Jackson yari yafatiwe ku ruzi Ruhwa n’abasirikare b’Urwanda, mu gatondo ko kuwa gatatu igenekerezo rya 21 Ruheshi, igihe yari agiye gutegura imitego y’ifi.


Kumenyekanisha

1
akana 27-06-2017 à 08:53

Basha banamuhaye n’amazi yo kunywa ya "Inyange",
vive le Rwanda

2
copy 27-06-2017 à 08:30

Nshimiye igisirikare c’urwanda cerekanya ubudasa mu kubahiriza abanyagihugu, iyo ntakimwagiriye ararekurwa kandi akarekurwa adakubaguwe.

3
BUSURAHENDE 24-06-2017 à 14:40

Inzego zijejwe umutekano aho hakurya ya Ruhwa zirerekanye ubushobozi zifise mu vyerekeye gucungera umutekano. Iyo bibera mu majepfo ya Ruhwa yari gutorwa ari ikiziga canke ntibazomenye irengero ryiwe.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha