Gitega: Amapikipiki n’amakinga vyikekwa ko vyibwe vyafashwe n’igiporisi

Yanditswe na MUGISHA Van Naris
Kuya 30 Ruheshi 2017 saa 10:16
Yasomwe : 8010
0 0

Amapikipiki, amakinga n’ibindi bikoresho bakoresha mu gukora amapikipiki vyikekwa ko ari ivyibwe nivyo vyafashwe n’igiporisi mu gatondo ko kuri uno wa gatanu igenekerezo rya 30 Ruheshi, mu gisagara ca Gitega, ku rugo rw’umugabo asanzwe akora amapikipiki.

Nk’igihe c’isaha imwe z’igitondo, niho igiporisi cashika ku rugo rw’umugabo azwi kw’izina rya SOGEA asanzwe akora amapikipiki, ruri muri quartier Swahili, imbere y’ihoteri Helena Hotel, aho bafatiye amapikipiki 7, amakinga abiri mashasha, ivyo bicarako ku mapikipiki 32 n’irangi bakoresha ku bidodo.

Amakuru ava mu bagendesha amapikipiki yunguruza abantu mu ntara ya Gitega amenyesha ko igiporisi mu gisagara ca Gitega cahiketse gica kirahasaka, baca bahatora ivyo bintu.

N’aho ata n’umwe yari bwaboneke yemeza ko ipikipiki yiwe yibwe ayibonye mu zafashwe, abagendesha amapikipiki mu gisagara ca Gitega basaba ko amatohoza akorwa kugira hamenyekane iyo uwo mugabo yakuye ivyafatiwe mu muhana iwe.

Nta minsi myinshi yari iheze mu gisagara ca Gitega, uwunguruza abantu akoresheje ipikipiki yarishwe n’ipikipiki yakoresha iribwa n’abantu gushika n’ubu bataramenyekana.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha