Gitega-Buraza : Abantu batatu bitavye Imana bakubiswe n’inkuba

Yanditswe na MUGISHA Van Naris
Kuya 31 décembre 2017 saa 09:19
Yasomwe : 4401
0 0

Abantu batatu nibo bitavye Imana bakubiswe n’inkuba, mu mvura nyinshi yaguye ku mugoroba wo kur’uyu wa gatandatu igenekerezo rya 30 Kigarama 2017, ku mutumba Ndava, wa komine Buraza, intara ya Gitega.

Amakuru ava mu giporisi amenyesha ko abo bantu bakubiswe n’inkuba, igihe bari mu rubanza rwo kuganduka, nk’igihe c’isaha icumi z’umugoroba.

Ayo makuru nyene amenyesha ko abandi 18 bari muri urwo rubanza bakomeretse, baca bajanwa kw’ivuriro, aho bariko baravurirwa muri iki gihe.

Ku murwa mukuru w’intara ya Gitega nyene, amakuru avaho amenyesha ko imvura yaguye mu masaha y’umugoroba wo kur’uyu wa gatandatu, yatumye uruhome rw’uruzitiro rw’ikirimba c’umukuru w’igihugu ruhenuka.

Mwomenya ko kuwa gatanu igenekerezo rya 29 Kigarama 2017, imvura nyinshi yaguye ku murwa mukuru w’intar ya Gitega, yatumye ibisakazo vy’amazu atandatu biguruka, n’ibindi vyononekaye, harimwo ibikoresho vy’insamirizi Star FM isamiranira mu ntara ya Gitega.

Abajejwe intwaro ku mutumba Ntobwe, uri muri zone Mungwa, wasinzikaye cane, basaba abagira neza kugarukira ku miryango yakozweko n’ico kiza.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha