Gitega-Gahera : Umuntu umwe yaritavye Imana aguweko n’inzu

Yanditswe na MUGISHA Van Naris
Kuya 27 avril 2018 saa 01:59
17790
0 0

Umuntu umwe yaritavye Imana, uwundi arakomereka baguweko n’inzu, mu mvura nyinshi yaguye inyuma y’umutaga wo kur’uyu wa kane igenekerezo rya 26 Ndamukiza, muri qurtier Karera, iri ku murwa mukuru w’intara ya Gitega.

Amakuru ava aho ku murwa mukuru w’intara ya Gitega, amenyesha ko uwo yitavye Imana yari azwi kw’izina rya Emmanuel, yari asanzwe aba aho muri quartier Gahera, ku birometero nka bibiri uva ku murwa mukuru w’intara ya Gitega.

Ayo makuru nyene, amenyesha ko Emmanuel yaguweko n’inzu, aca atera yitaba Imana, umukenyezi wiwe nawe aca ajanwa kwa muganga.

Ayo makuru aremezwa n’abajejwe intwaro muri quartier Gahera, bakemeza ko ata gikozwe mu bijanye no gutunganya ibisagara, n’ayandi mazu ashobora guhitana abantu, kuko muri ako gace inzu zubatswe ata tegeko na rimwe rikurikijwe.

’’Abajejwe intwaro bakwiye gukurikirana uko ibisagara bitunganywa’’

Umushingamateka Thérence MANIRAMBONA yatowe mu ntara ya Gitega, avuga ko bibabaje kuba hari abanyagihugu batakaza ubuzima kubera impanuka nk’izo, akavuga ko abajejwe intwaro aribo bategerezwa gukurikirana itunganywa ry’ibisagara kuko biboneka ko izo mpanuka ziva ahanini ingene ibisagara bitunganijwe.

JPEG - 105.1 ko
Umushingamateka Thérence MANIRAMBONA, yatowe mu ntara ya Gitega

Uwo mushingamateka yatowe mu ntara ya Gitega, asaba abegereye ahabereye iryo sanganya gufasha abasigaye, kuko bisanzwe biri no mu mico y’abarundi.

Umushingamateka Thérence MANIRAMBONA agashima ariko ko, ahri igisata cashizwe mu bushikiranganji bw’umutekano kijejwe gukinga impanuka, akizera ko kizofasha mu gukinga ibijanye n’ibiza.


Kumenyekanisha

1
EMMANUEL 27-04-2018 à 18:57

MUNGU AYILAZE MAHARA PEMA PEPONI ROHO YA MAREHEMU.AMEN !

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha