Gitega-Kibimba : Yitavye Imana inyuma yo gukubitwa n’umukozi w’ibitaro

Yanditswe na MUGISHA Van Naris
Kuya 3 mai 2018 saa 12:03
39705
0 0

Umuntu umwe niwe yitavye Imana, inyuma yo gukubitwa mw’ijoro ryo kur’uyu wa gatatu igenekerezo rya 2 Rusama 2018, mu Kibimba, komine Giheta, intara ya Gitega, igihe yariko arataha.

Amakuru dukesha aba aho mu Kibimba, amenyesha ko uwo yitavye Imana yari azwi kw’izina rya Rudono,avuka ahitwa Kaguhu, akaba yari asanzwe akora akazi ko kwiremeka imizigo ku gasoko ko ngaho mu Kibimba, akaba kandi yafasha ku mashini isya, iri ngaho nyene kw’ibarabara riva mu ntara ya Gitega rija mu gisagara ca Bujumbura.

Ayo makuru amenyesha ko Rudono yatashe amasaha y’ijoro nk’uko vyahora, umugabo azwi kw’izina rya Libère batazira Muhuza asanzwe akora ku bitaro mu Kibimba aramukubita gushika aho ababara cane.

Amakuru ava mu bitaro vy’akarere k’ubuvuzi ka Kibimba, amenyesha ko Rudono yahavuye yitaba Imana amaze gushikanwa mu bitaro, hakaba hari n’amakuru avuga ko abava ku mutumba Kaguhu aho yavuka boba banse kumushingura.

Gushika ubu icatumye Libere batazira Muhuza akubita uwo Rudono ntikiramenyekana, ariko amakuru ava mu Kibimba amenyesha ko amatohoza yatanguye.


Kumenyekanisha

1
MTOTO WAMURAMVYA 4-05-2018 à 22:03

NIBAMUFATE AMATOHOZA ATANGURE

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha