Gitega-Mugoboka : Ikiziga c’umugabo catowe mu gihomoka

Yanditswe na MUGISHA Van Naris
Kuya 6 janvier 2018 saa 10:27
Yasomwe :
0 0

Umugabo azwi kw’izina rya BATURURIMI Elias w’imyaka 48, caratowe n’abanyagihugu bo ku Mutumba Mukoni, Zone Mungwa, Komine n’intara ya Gitega, inyuma y’umutaga wo kur’uyu wa gatanu igenekerezo rya 5 Nzero 2018.

Amakuru dukesha umukuru wa zone Mungwa, DUSHIME Chrisostome, amenyesha ko ku munsi wa kane igihe abasirikare bari mu gikorwa co gukizura, baca bashikira ku banyagihugu boba bariko banwa inzoga zitemewe n’amategeko hamwe n’urumogi.

Umukuru wa Zone Mungwa, avuga ko abo banyagihugu bamaze kubona ko ari abasirikare, baciye biruka, uwo Elias BATURURIMI aca agwa mu gihomoka kiri hagati y’agacimbiri Mukoni ko ku Mutumba Mugoboka n’agacimbiri Mubanga ko ku mutumba Jimbi, ari naho yoba yarapfiriye.

DUSHIME Chrisostome asaba abanyagihugu ba zone arongoye kuvavanura n’ibinyobwa bitemewe n’amategeko kuko vyonona mu mutwe, akabahamagarira kandi kwijukira ibikorwa kugira bafungure ivyo babiriye akuya.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha