Google yatanguje ubuhinga bwo kumenya amashusho y’ukuri n’ayatari ay’ukuri

Yanditswe na MUGISHA Van Naris
Kuya 24 Myandagaro 2017 saa 03:15
Yasomwe : 4311
0 0

Google isanzwe ikoreshwa n’abantu benshi yashizeho ubuhinga bushasha bufasha abayironderako ibintu bitandukanye kumenya namba ico barondera ari ico biganye canke ari ic’ukuri.

Ubuhinga bushasha Google yashizeho buzofasha cane abahora bayironderako amashusho, bakabona menshi asa, bikabagora kumenya iy’ukuri.

Ikinyamakuru "The Independent" co mu Bwongereza camenyesheje ko ibibazo vyari bihari ari uko hari ubundi buhinga abantu bakoresha barondera amashusho, ariko bikabagora kumenya namba ayo bariko barabona ari ay’ukuri, hakaba ayo basanga yariganwe.

Umuyobozi ajejwe ibikorwa muri Google, Prashant Baheti, yavuze ko ubwo buhinga buzofasha umuntu kuronka ico arondera cose mu mwanya muto, kandi akaronka ic’ukuri.

Ubuyobozi bwa Google buvuga ko ubwo buhinga buzokoresha gusa abakoresha Android canke Chrome muri terefone, ariko ntibaravuga aho ubwo buhinga buzotangura gukoreshwa ku bakoresha imashini nyabwonko.

Ubu buhinga bushasha bufasha mu kurondera amashusho kuri Google, bukora ku muntu wese akoresha Wi-Fi.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha