Ikiziga c’umwigeme yahora aba mu Kibenga catowe i Bururi

Yanditswe na Egide NDUWIMANA
Kuya 12 Kigarama 2017 saa 10:39
33330
0 0

Ikiziga c’umwigeme azwi kw’izina rya Josiane NIKUNDANA w’imyaka 24 yahora aba muri zone ya Kibenga mu gisagara ca Bujumbura catowe mw’ishamba ry’aho bita mu Rw’ingwe, riri muri komine Mugamba, zone Vyuya, intara ya Bururi. Ico kiziga cabonwe ubwa mbere n’abana bariko barasenya inkwi.

Josiane NIKUNDANA yahora aba kwa musaza we muri zone Kibenga igisagara ca Bujumbura yaburiwe irengero kuva ku munsi wa gatanu igenekerezo rya 8 Kigarama 2017. Kuva bimenyekanye ko atawuzi irengero ryiwe, ubutumwa bw’ukumurangisha bwaracishijwe ku mihora ngurukanabumenyi.

Mu gatondo ko kuri uwu wa mbere igenekerezo rya 12 Kigarama 2017 niho abana bariko barasenya inkwi mw’ishamba ryo mu Rw’ingwe babona ikiziga ciwe. Ico kiziga catowe hafi y’aho uwo yagandaguwe avuka, muri zone Vyuya, komine Mugamba, intara ya Bururi, ahasanzwe haba n’abavyeyi biwe.

Abagandaguye uwo mwigeme ntibaramenyekana.

NIKUNDANA Josiane yahora yiga kuri "Ecole Secondaire Lumière de kinindo."


Kumenyekanisha

1
Amahinyu 12-12-2017 à 15:45

@Busurahende
Uriko urigamba kuko urinda kuba uri mu bamugandaguye!

2
Hicuburundi 12-12-2017 à 15:06

Ntabandi biha inkumbi mu gihugu atari API babifashijemwo n’Imbonerakure,abari ku makinga i Ngozi bati amahoro ni yose mu gihugu cacu,murihenda sha tout se paie ici bas

3
Busurahende 12-12-2017 à 14:21

Amahoro ni umusesekara, nabo muri EAC bariko bazunguruka Uburundi bwose ku makinga. Wumva isi izomenya gute ko Abarundi bahonye mu mugambi kora?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha