Intsinga zibwe mw’ishirahamwe Regideso zafashwe.

Yanditswe na Vianney BIKORIMANA
Kuya 25 Mukakaro 2017 saa 02:49
Yasomwe : 6066
0 0

Intsinga zirenga imetero ibihumbi 8 zari zibwe mw’ishirahamze Regideso nizo zafashwe kuri uwu wa mbere igenekerezo rya 24 Mukakaro 2017 mw’isoko yo mu Ruvumera no mw’isoko yo mu Kamenge.

Umuvugizi w’igiporisi c’Uburundi Pierre Nkurukiye amenyesha ko izo ntsinga bazifatanye abantu 8 bariko barazidandaza mu masoko yo mu Kamenge n’iyo mu Ruvumera, ubu bakaba bariko barabazwa uko bazironse n’uko bazidandaza kandi zisanzwe ari iz’ishirahamwe Regideso.

Nkurikiye Pierre avugira igiporisi avuga ko izo ntsinga ari inyungu rusangi, kuko arizo zikoreshwa n’ishirahamwe Regideso mu gutanga amazi n’amatara ku banyagihugu.

Uwo avugira igiporisi atera akamo abantu bose ko boza barafasha kugira intsinga nk’izo zibwe ntizigende amazimayongo, uwariwe wese abe inderetsi araho azibonye ace abimenyesha abajejwe umutekano.

JPEG - 71.2 ko
Pierre NKURIKIYE,umuvugizi w’igiporisi c’Uburundi

Mwomenya ko mu giporisi baheruka gufata mu ntara ya Bubanza kw’igenekerezo rya 11 Mukakaro 2017, intsinga nk’izo za Regideso. No mu ntara ya Muramvya hakaba haheruka gufatirwa ibikoresho vyakoreshwa mu kwubaka urugomero rwa Bubanza.


Kumenyekanisha

1
kigabo jean marie 29-07-2017 à 14:02

umve iyo nkuru: mumbarize iyo nkuru numvise nivyo canke sivyo : ngo uburundi ntavyangombwa na bike bafise vyo kwakira inama ya comesa ngo hotel bafise yo kwakira abakuru b’ibihugu, nta miduga yo kunguruza abashitsi, ngo nta interneti dufise ....akamaramaza ngo Peter nkuru...kubera yuko atitaba amanama abera hanze ngo nico gituma igihugu c’uburundi kidashobora kwakira inama nkiyo.....ivyo nivyo canke nabirose? N.B mwebwe bene umuhora mureke iciyumviro canje kirengane, kuko ico kibazo ndashaka umpa umuco murakoze.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha