Isale : Abantu babiri bagirizwa ubusuma bishwe

Yanditswe na Egide NDUWIMANA
Kuya 4 Kigarama 2017 saa 10:45
Yasomwe : 7533
0 0

Ibiziga vy’abantu babiri, Hakizimana Adelin hamwe na Ndabakeshimana Eric vyatowe mw’ijoro ryo kuri uwu wa gatandatu ushira uw’Imana, muri zone Benga, komine Iale muri Bujumbura rural. Abo bishwe bagirijwe ubusuma nk’uko bivugwa n’igiporisi c’Uburundi.

Amakuru atangwa n’umuvugizi w’igiporisi c’Uburundi amenyesha ko imbere y’uko abo bantu babiri batorwa ibiziga, bari bafashwe mw’ijoro ryo ku munsi wa gatandatu, nk’igihe c’isaha icenda z’ijoro, bafise impene zitatu bivugwa ko bari bivye. Izo mpene zari zamaze gucibwa imitwe.

Inyuma y’ugufatanwa izo mpene, nk’uko bivugwa n’igiporisi, abo bantu babiri batowe ibiziga.

Mu giporisi bamenyesha ko amatohoza yamaze gutangura kugira abo bihaniye abagirizwa ubusuma bafatwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha