Ishirahamwe ATRABU risaba ko impusha zo kugendesha imodoka zotangwa hisunzwe imyaka y’amavuka

Yanditswe na MUGISHA Van Naris
Kuya 18 Nyakanga 2017 saa 04:05
Yasomwe : 7614
0 0

Mu gihe kuwa gatandatu igenekerezo rya 16 Nyakanga 2017 hahimbazwa umunsi mpuzamakungu wahariwe ubutabazi bwa mbere, umukuru w’ishirahamwe ry’abunguruza abantu mu Burundi ATRABU, asaba ko mu gutanga ubwoko bw’imodoka umuntu arekuriwe gutwara ku mpapuro zitanga uburenganzira bwo kugendesha imodoka hokwisungwa imyaka y’uwurusavye.

Charles NTIRAMPEBA arongoye ishirahamwe ry’abunguruza abantu mu Burundi amenyesha ko umwuga wo gutwara abantu ukwiye gukorwa n’abantu bize neza kugira biborohero gushira mu ngiro ibijanye n’ubutabazi bwa mbere.

Mw’ishirahamwe ry’abunguruza abantu mu Burundi ATRABU bamenyesha ko bagiye gushiraho amashuri yigisha abasanzwe bafise impusha zo gutwara imodoka amategeko n’ubuhinga bwo gutanga ubutabazi bwa mbere.

Charles NTIRAMPEBA ari kandi mu baronkejwe inyigisho zijanye n’ubutabazi bwa mbere n’umuryango utabara imbabare Croix Rouge, amenyesha ko inyigisho bahawe bagiye kuzishikiriza abanywanyi b’ishirahamwe arongoye.

Ku ruhande rw’igiporisi kijejwe umutekano wo mw’ibarabara PSR, icegera c’uwurongoye ico giporisi asigura ko imbere yuko batanga impusha zo kugendesha imodoka abazihabwa babanza kwigishwa mu mashuri yigisha amategeko n’ubuhinga bwo gutwara imodoka.

Mu giporisi kijejwe umutekano wo mw’ibarabara basaba abagendesha ivyunguruza abantu n’ibintu gushiramwo inguvu bakarondera ibikoresho bifasha mu butabazi bwa mbere.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha