Ibirwanisho bigizwe n’inkoho n’ama Gerenade vyafatiwe mu Kamenge

Yanditswe na Egide NDUWIMANA
Kuya 12 Gitugutu 2017 saa 11:50
Yasomwe : 36810
0 0

Inkoho imwe yo mu bwoko Kalachnikov, Gerenade zitatu, umwambaro umwe w’igiporisi, umwambaro umwe w’ibirato vy’igisirikare, hamwe n’amaradiyo abiri abajejwe umutekano bakoresha mu guhanahana amakuru, nivyo bikoresho vyafatiwe muri zone ya Kamenge kuri uwu wa gatatu.

Ivyo birwanisho hamwe n’ibikoresho vy’abajejwe umutekano vyafatanwe abantu batatu bariko biyunguruza bakoresheje imodoka yo mu bwoko bwa "Probox".

Mu giporisi bavuga ko amatohoza yatanguye.

Ibindi birwanisho bigizwe n’inkoho imwe, gerenade imwe, imyambaro ibiri y’impuzu z’igiporisi, umwambaro umwe w’ibirato vy’igisirikare, hamwe n’iradiyo imwe abajejwe umutekano bakoresha mu guhanahana amakuru vyafatanwe ku mugoroba wo kuri uwu wa gatatu mu gisagara ca Bujumbura umugabo azwi kw’izina rya NGENDANZI Isidore, muri zone Kinama, komine Ntahangwa, ku rugo rwiwe ruri muri karitiye ya Ngozi kw’ibarabara ry’indwi, inomero 27.

Nk’uko mu giporisi bavyemeza, uwo mugabo yafatanwe kandi ipikipiki yari yibwe hari haheze iminsi itatu muri zone ya Cibitoke mu gisagara ca Bujumbura nyene.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha