Karusi : Umugabo yishe ababanyi biwe batandatu nawe aca ariyahura

Yanditswe na Egide NDUWIMANA
Kuya 10 Gitugutu 2017 saa 10:10
Yasomwe : 43839
0 0

Abantu bagera kuri batandatu nibo bamaze kumenyekana ko bishwe bamwe batemaguwe n’umupanga, abandi batuririwe mu nzu. Uwakoze ubwo bwicanyi ni umubanyi w’abo bantu yiyadukije aturira amazu agera kuri cumi n’imwe, ku musozi Rweya, komine Buhiga, mu ntara ya Karusi.

Umushikirizamanza mukuru w’intara ya Karusi, HARERIMANA François aremeza ayo makuru, akamenyesha ko uwakoze ubwo bugizi bwa nabi nawe yaciye yiyahura akoresheje umugozi (yimanitse ku giti).

Ubwo bwicanyi bwabaye mw’ijoro ryo kuri uwu wa mbere, nk’igihe c’isaha zitatu z’ijoro, aho uwitwa Ntirandekura Claude w’imyaka 24 yaturira amazu 11 yahitanye abantu batatu bahiriye mu nzu, abandi batatu abica abatemaguye n’umupanga.

HARERIMANA François, umushikirizamanza mukuru w’intara ya Karusi yemeza ko amatohoza yatanguye kugira bamenye icatumye uwo mugabo agandagura abo bantu.

Mu giporisi bamenyesha ko uwo yishe abo bantu yari yiriwe aranywa inzoga, bikavugwa ko abo yagandaguye yabagirije uburozi. Mu matohoza ariko arakorwa n’igiporisi, abantu indwi nibo bamaze gufatwa, harimwo n’umukuru w’umutumba ubwo bwicanyi bwabereyeko, yagirizwa ko atatabarije abariko baturirirwa mu nzu, abandi batemazwa umupanga.


Kumenyekanisha

1
Kararuza 12-10-2017 à 10:17

Ntakaraba, erega iryo n’iragi rya Peter na CNDD-FDD

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha