Kayanza : Imiriyoni zirenga 8 zibwe mw’ishirahamwe ryo kuziganya UCODE

Yanditswe na MUGISHA Van Naris
Kuya 6 avril 2018 saa 10:26
7875
0 0

Abantu bataramenyekana barivye amafaranga mw’ishirahamwe ryo kuziganya no kuguranana UCODE, ku mutumba Muhanga, komine Muhanga, intara ya Kayanza, mw’ijoro ryo kur’uyu wa kane igenekerezo rya 5 Ndamukiza 2018.

Amakuru dukesha umuvugizi w’ubushikiranganji bw’umutekano Pierre NKURIKIYE, amenyesha ko ayo mafaranga yibwe angana n’imiriyoni umunani n’ibihumbi ijana na mirongo ibiri n’indwi y’amarundi (8127000 fbu).

Ayo makuru, amenyesha ko abo bantu bataramenyekana bivye aho kuri UCODE, ku mutumba Muhanga nk’igihe c’isaha zine z’ijoro, baca biba kandi imashini nyabwonko imwe hamwe na terefone ngendanwa.

Umuvugizi w’ubushikiranganji bw’umutekano, amenyesha ko abantu batatu harimwo n’umunyabigega wa UCODE aho i Muhanga, bamaze guhagarikwa ku mvo z’amatohoza.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha