Kigingi Summer Comedy : Hasigaye amasaha make Kigingi n’abatumire biwe babatwenze

Yanditswe na Cherif NKESHIMANA
Kuya 26 Mukakaro 2017 saa 03:36
Yasomwe : 5832
0 0

Hasigaye umwanya muto kugira igiteramo Kigingi Summer Comedy kibere mu gisagara ca Bujumbura. Kuri iyo ncuro ya kabiri, si wa muhinga mu gutwenza Kigingi azobateramisha wenyene. N’abandi bavuye mu makungu bazohishikira. Bimwe mu vyari mu nteguro vyarahindutse.

Iminsi ibiri gusa n’amasaha makeyi niyo isigaye kugira Kigingi n’abatumire biwe basubire kubanezereza, nk’uko yama abikora mu gihe nk’iki. Nk’uko twabibamenyesheje mu makuru y’ibanze yerekeye ico giteramo, amazina y’abahinga mvamakungu bazofadikanya na Kigingi yamaze kumenyekana. Abo nabo ni aba bakurikira :

1. Charly : Cameroun,
2. Joyeux : RDCongo
3. Michael : Burundi/ Rwanda
4.Divin : Burundi/Rwanda

Icahindutse n’uko umuhinga mu gutwenza ava mu kibanyi ca Congo, ariwe Djassa Djassa atazoba ari ico mu giteramo, nk’uko twari twabibamenyesheje.

Iruhande y’abo, hari n’abaririmvyi n’imirwi y’abatamvyi bo mu Burundi nabo bazoteramisha abantu. Abo ni nka :
1. Arthur Ban& Rivaldo,
2. Gitoro,
3. Rule Big,
4. Live Band : Umudiho Groove,
5. Magic Guards.

Muri abo hiyongerako igihangange mu muziki, Big Fizzo.
Mu gisata c’aba DJs, hazoba hari: Dj Israël, Dj Flow, Dj Be, Dj Black Jim.

Kwinjira mu giteramo citiriwe "Kigingi Summer Comedy" ni ibihumbi bitanu.

Ico giteramo kizoba kuri uwu wa gatandatu igenekerezo rya 29 Mukakaro kuri La Bamba


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha