Makamba : Batatu bahagaritswe bikekwa gukora urudandazwa rw’abantu

Yanditswe na MUGISHA Van Naris
Kuya 13 mars 2018 saa 12:11
12330
0 0

Abantu batatu bagizwe n’abagore babiri n’umugabo umwe , nibo bahagaritswe n’igiporisi muri komine Mabanda, intara ya Makamba, kur’uyu wa mbere igenekerezo rya 12 Ntwarante 2018, bagirizwa kuba bakora urudandazwa rw’abantu.

Amakuru dukesha urubuga rw’itororokanirizo ry’amakuru ABP, amenyesha ko abo batatu bagirizwa kuba bariko bagerageza kujabukana abakobwa batanu, kugira bajanwe mu bihugu vy’abarabu.

Ayo makuru nyene amenyesha ko baba abo batatu bagirizwa urwo rudandazwa, bari kumwe n’abo bakobwa batanu bagomba kujabukana, bari mu minwe y’igiporisi muri komine Mabanda, ku mvo z’amatohoza.

Icegeranyo c’ishirahamwe ONLCT où est ton frère, co mu mwaka wa 2017, cerekanye ko abagore n’abigeme bagera ku 527 aribo badandajwe mu bihugu bitandukanye mu rudandazwa rw’abantu rwakozwe mu Burundi mu mwaka w’2017.

Abo bagore n’abigeme badandajwe mu bihugu vya Oman, Arabie Saoudite, Koweit hamwe na Liban, nk’uko bivugwa n’ishirahamwe ONLCT.


Kumenyekanisha

1
Siméon Ndayirukiye 14-03-2018 à 20:35

Nabo bakobwa ntibumva,ivyo bihugu bibaguze bibakuramwo amafyigo,imitima,amaraso n’ibindi bakabishira mubiwabo babikeye mbe basha abarundi bazotahura ryari ?

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha