Makamba : Igiporisi cahagaritse abakobwa 12 bari bajanywe mu bihugu vy’abarabu

Yanditswe na MUGISHA Van Naris
Kuya 29 janvier 2018 saa 09:08
22350
0 0

Igiporisi c’Uburundi kimenyesha ko cahagaritse abakobwa 12 bari bajanywe mu bihugu vy’abarabu. Ku rubuga rwa Twitter rw’igiporisi c’Uburundi, bamenyesha ko abahagaritswe bari mu miduga ibiri yunguruza abantu, mu Mabanda, mu ntara ya Makamba.

Amakuru dukesha urubuga rwa Twitter rw’igiporisi c’Uburundi, amenyesha ko abo bigeme bafashwe, bari kumwe n’umugore n’umugabo ari nabo bari babajanye, babacanye mu gihugu ca Tanzaniya.

Mu giporisi c’Uburundi bavuga ko bavuye mu gihugu ca Tanzaniya, bari guca bajanwa mu gihugu ca Kenya, kugira babandanye mu gihugu ca Oman.

Ayo makuru nyene y’igiporisi c’Uburundi, amenyesha ko impapuro z’inzira zabo icumi na zitandatu, zikiri nshasha nazo nyene zafashwe.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha