Makamba-Rumonge : Impunzi zirenga 5000 nizo zimaze kwakirwa

Yanditswe na MUGISHA Van Naris
Kuya 26 janvier 2018 saa 09:07
17265
0 0

Impunzi ziva mu gihugu ca Republika Iharanira Intwaro Rusangi ya Kongo zirabandanya gushika mu ntara ya Makamba na Rumonge. Amakuru dukesha igiporisi c’Uburundi ,amenyesha ko gushika isaha icumi na zibiri z’umugoroba kur’uyu wa kane, impunzi 5557 arizo zari zimaze gushika mu Burundi.

Amakuru dusanga ku rubiga rwa Twitter rw’ubushikiranganji bw’umuteka amenyesha ko impunzi 3952 zashikiye I Nyanza-Lac, mu ntara ya Makamba, mu gihe abasigaye bashikiye mu ntara ya Rumonge.

Gushika ku mugoroba wo kur’uyu wa kane, igiporisi c’Uburundi camenyesheje ko impunzi zabandanya gushika muri izo ntara.

Abo bahunga bagizwe n’abarundi n’abava mu gihugu ca Republika Iharanira Intwaro Rusangi ya Kongo, bavuga ko bahunze intambara ziriko zibera mu buseruko bw’igihugu ca Republika Iharanira Intwaro Rusangi ya Kongo, zihuza abasirikare b’igihugu hamwe n’abarwanyi b’umurwi Mayi Mayi.

Abajejwe intwaro mu ntara za Rumonge na Makamba, bamenyesha ko bariko barakorana n’abajejwe igisata c’impunzi, kugira abarundi bajanwe iyo bava, abava mu gihugu ca Kongo nabo bajanwe mu makambi y’impunzi ashobora kubakira.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha