Mutimbuzi : Umunywanyi wa Agathon RWASA yahagaritswe

Yanditswe na MUGISHA Van Naris
Kuya 7 juin 2017 saa 12:05
Yasomwe : 5958
0 0

Umuvugizi w’umugambwe FNL urongowe n’umushingamateka Agathon RWASA amenyesha ko umunywanyi w’umugambwe FNL urongowe n’umushingamateka Agathon RWASA azwi kw’izina rya BUHUNGU Alexis yahagaritswe n’urwaruka rw’umugambwe uri ku butegetsi bari kumwe n’abajejwe umutekano,kuwa kabiri igenekerezo rya 6 Ruheshi 2017.

Aime MAGERA avugira umugambwe FNL urongowe n’umushingamateka Agathon RWASA amenyesha ko mu mugambwe FNL batazi aho BUHUNGU Alexis apfungiwe kandi batinyirira umutekano wiwe.

Umuvugizi w’umugambwe FNL urongowe n’umushingamateka Agathon RWASA amenyesha ko BUHUNGU Alexis yari asanzwe ari mu bigisha umugambwe,akaba yari asanzwe aba ku mutumba wa Kirekura uri muri Komine ya Mutimbuzi yo mu ntara ya Bujumbura Rural.

Amakuru ava mu begereye umushingamateka RWASA Agathon amenyesha kandi ko umwe mu bajejwe umutekano wiwe, umupolisi azwi kw’izina rya NGENDAKUMANA Jean Claude,akaba apfunzwe kuva kuwa mbere igenekerezo rya 4 Ruheshi 2017.

Umuvugizi w’umugambwe FNL urongowe n’umushingamateka Agathon RWASA amenyesha ko umupolisi NGENDAKUMANA Jean Claude yahagaritswe kuwa mbere igenekerezo rya 5 Ruheshi 2017.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha