Mwaro-Rusaka: Abantu babiri bakomerekejwe na gerenade

Yanditswe na MUGISHA Van Naris
Kuya 21 Myandagaro 2017 saa 09:58
Yasomwe : 4320
0 0

Abantu babiri nibo bakomerekejwe na gerenade yatewe n’abantu bataramenyekana hafi y’ikibuga c’umupira w’amaboko "Volleyt Ball" n’ikibanza barangurizamwo ibinyobwa vya BRARUDI ku mutumba Rusaka, uri muri komine Rusaka intara ya Mwaro.

Amakuru ava mu giporisi c’Uburundi amenyesha ko iyo gerenade yatewe mw’ijoro ryo kuri uno w’Imana igenekerezo rya 20 Myandagaro 2017, nk’igihe c’isaha zibiri n’igice, ikomeretsa ku kuboko umunyezamu BERAHINO Aloys w’imyaka 62 na NININAHAZWE Patience w’imyaka 34 yakomeretse ku mugongo.

Ayo makuru nyene amenyesha ko abakomeretse baciye bajanwa mw’ivuriro ryo ngaho mu rusaka kugira bavurwe, mu nyuma baca barataha mu mihana yabo.

Mu giporisi c’Uburundi bamenyesha ko baciye bihuta kuja gutabara, amatohoza akaba yamaze gutangura kugira bamenye uwateye iyo gerenade.

Bitegekanijwe ko kuri uno wa mbere igenekerezo rya 21 Myandagaro haca hakorana inama y’umutekano ihuza abajejwe umutekano n’abajejwe intwaro, kugira bahamagarire abanyagihugu gukomeza amakomite y’umutekano ahurikiwemwo na bose.


Kumenyekanisha

1
Athanase 22-08-2017 à 11:17

ababuze Ndabasavye Kwihangana

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha