Ngagara : Uwunguruza abantu n’imodoka yitavye Imana arashwe n’uwo yari yunguruje

Yanditswe na MUGISHA Van Naris
Kuya 8 juin 2018 saa 11:20
30225
0 0

Umuntu yunguruza abantu akoresheje imodoka, azwi kw’izina rya BARISHAKARIKE Vincent, yaritavye Imana mw’ijoro ryo kur’uyu wa kane igenekerezo rya 7 Ruheshi 2018, inyuma yo gukomeretswa n’amasase yarashwe n’uwo yari yunguruje.

Umuvugizi w’ubushikiranganji bw’umutekano no gukinga ibiza, Pierre NKURIKIYE, amenyesha ko, hari nk’igihe c’isaha zibiri n’igice z’ijoro, muri karitiye ya kane ya zone Ngagara, hafi y’ubunwero Ozode Diplomatique, aho umuntu yitwaje inkoho yo mu bwoko bwa pistolet yagerageza kwiba imodoka Probox y’imparati J0015A yari imwunguruje.

Pierre NKURIKIYE, avuga ko amaze kubona bidakunze ko yiba iyo modoka, yaciye arasa amasase atatu, aca ajanwa ku bitaro vy’abaganga batagira imbibe (Medecins Sans Frontieres), ari naho yahavuye acikanira.

Umuvugizi w’ubushikiranganji bw’umutekano, amenyesha ko uwo musuma atamenyekanye kandi yaciye azimangarira aho mu Ngagara, mu gihe abari hafi y’ahabereye ubwo bugizi bwa nabi bariko baramukurikirana.

Pierre NKURIKIYE avuga ko bariko bararondera uwo musuma, imodoka nayo ikaba ibitswe mu giporisi gikorera kuri zone ya Ngagara.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha