Ngozi : Abasore 36 bafashwe n’igiporisi bariko baja muri Tanzaniya

Yanditswe na Egide NDUWIMANA
Kuya 16 Myandagaro 2017 saa 01:36
Yasomwe : 12960
0 0

Abasore bagera kuri 36 bo mu ntara ya Ngozi bafashwe n’igiporisi mu gatondo ko kuri uwu wa gatatu, bakaba bapfungiwe mu gasho k’igiporisi muri komine Ruhororo mu ntara ya Ngozi. Bafashwe bariko bunguruzwa n’imiduga yo mu bwoko bwa Probox.

Mu giporisi c’Uburundi bamenyesha ko abo basore bateye amakenga abajejwe umutekano, aho akaba ari mu gihe bafashwe bagira bajabuke Ruvubu muri komine Mutaho intara ya Gitega, mu nzira y’ukuja mu gihugu ca Tanzaniya.

Nk’igihe c’isaha cumi n’imwe z’agatondo niho abo basore bafatwa, mu giporisi bakavuga ko vyateye amakenga ingene bariko biyungururiza hamwe baja muri Tanzaniya.

Abo bafashwe basiguye ko bari bagiye mu gihugu ca Tanzaniya kurondera ubuzi, kuko bari barembejwe n’ubushomeri.

Mu giporisi bavuga ko amatohoza y’ico abo basore bari bagiye gukora muri Tanzaniya yamaze gutangura.

Muri abo 36 bafashwe, 24 ni abo mw’ikambi y’abateshejwe izabo yo mu Ruhororo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha