Nyanza-Lac : Amakaziye 130 y’ibinyobwa bwa BRARUDI yafashwe n’igiporisi

Yanditswe na MUGISHA Van Naris
Kuya 27 octobre 2017 saa 11:42
23865
0 0

Amakaziye 130 y’ibinyobwa bihingurwa n’ihinguriro BRARUDI niyo yafashwe n’igiporisi c’Uburundi mu gatondo ko kuri uno wa gatanu, igenekerezo rya 27 Gitugutu 2017,muri komine Nyanza-Lac, y’intara ya Makamba,mu gihe yariko ageragezwa kujabukanwa mu gihugu ca Republika Iharanira Intwaro Rusangi ya Kongo hadakurikijwe amategeko.

Ivyo binyobwa vyafashwe n’igiporisi c’Uburundi bigizwe n’ ibinyobwa vyo mu bwoko bwa Amstel, primus n’ifanta.

Amakuru ava mu giporisi c’Uburundi amenyesha ko ivyo binyobwa vyafatiwe i Kabonga k’urubibe igihugu c’Uburundi gihana n’igihugu ca Republika Iharanira intwaro Rusangi ya Kongo, biri mu modoka yo mu bwoko bwa Probox.

Umuvugizi w’igiporisi c’Uburundi Pierre NKURIKIYE avuga ko abafatanywe ivyo binyobwa bavuze ko babiranguye mu ntara ya Rumonge, akavuga kandi ko amatohoza yamaze gutangura kugira ukuri kuri ivyo binyobwa kuje ahabona.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha