Rumonge : Batatu barapfuye abandi batatu barakomereka baguweko n’uruhome rw’urusengero

Amakuru dukesha umuvugizi w’ubushikiranganji bw’umutekano Pierre NKURIKIYE, amenyesha ko hari nk’igihe c’isaha icumi na zibiri z’umugoroba wo kur’uyu wa mbere igenekerezo rya 19 Ruhuhuma 2018, aho uruhome rw’urusengero rwahenukiye ku bantu.

Pierre NKURIKIYE avugira ubushikiranganji bw’umutekano amenyesha ko icatumye urwo ruhome rw’urusengero rwa penteko ruhenuka, ari imvura ivanze n’umuyaga yariko iragwa muri uwo mwanya.

Umuvugizi w’ubushikiranganji bw’umutekano amenyesha ko abakomeretse baciye bajanwa mu bitaro bikuru vya Rumonge.

Mw’ijoro ryo kuw’Imana, abarovyi umunani baritavye Imana, ubwato bwinshi burasambuka mu kiyaga ca Tanganyika, muri iyo komine ya Rumonge nyene. Amakuru ava aho mu rumonge amenyesha ko vyavuye ku muyaga mwinshi.