Ryansoro: Umutamakazi yishwe hakoreshejwe imbugita

Amakuru ava mu giporisi c’Uburundi amenyesha ko NTUNGWANAYO Anastasie yishwe nk’igihe c’isaha zitanu kuri uno wa mbere igenekerezo rya 18 Nyakanga 2017 hakoreshejwe imbugita.

Ayo makuru nyene amenyesha ko uwo mutamakazi ashobora kuba yazize amatati y’amatongo canke ayafatiye ku burozi.

Mu giporisi c’Uburundi bamenyesha ko abantu batatu bari baragiye mu bice yiciwemwo, hamwe n’uwundi yagumye ahiga ko azomwica,bamaze gufatwa ku mvo z’amatohoza.