Sylvestre NYANDWI asaba ko atawokwihutira kwagiriza ku vyabaye ahakorera ONU

Yanditswe na Egide NDUWIMANA
Kuya 15 Nyakanga 2017 saa 11:43
Yasomwe : 28548
0 0

Mu gihe mu giporisi bavuga ko ata gitero cabaye ahakorera igisata ca ONU kijejwe agateka ka zina muntu mu Burundi, umushikirizamanza kizigenza wa Repuburika y’Uburundi aremeza ko hari abantu bitwaje inkoho bataramenyekana binjiye ahakorera abo bakozi ba ONU i Bujumbura.

Mw’itangazo yasohoye kuri uwu wa kane, Sylvestre NYANDWI, umushikirizamanza kizigenza wa Repuburika avuga ati :

"Mw’ijoro ryo kuwa 12 rishira uwa 13 Nyakanga 2017, abantu batandatu bataramenyekana harimwo umwe yitwaje inkoho yo mu bwoko bwa Kalashnikov, bakoresheje imfunguruzo za magendu bari bazanye, barinjiye ku nguvu mu biro vy’ishirahamwe mpuzamakungu ONU, igisata kijejwe agateka ka zina muntu, kw’ibarabara ryitiwe Mugamba muri zone Rohero mu gisagara ca Bujumbura."

JPEG - 22.1 ko
Sylvestre NYANDWI, umushikirizamanza kizigenza wa Repuburika y’uburundi

Nk’uko bishikirizwa na Sylvestre NYANDWI, abo bantu batanguye kwugurura umuryango mukuru uri kw’irembo babanje kuboha abari bacunze ivyo biro mu nyuma barahava binjira mu biro.

"Amatohoza rero akaba abandanya kugira abo bagizi ba nabi bamenyekane hamwe n’intumbero bari bafise."

Mu matohoza ariko akorwa n’ubutungane, abanyezamu babiri bakora kuri ivyo biro vya ONU bari mu minwe y’igiporisi, umushikirizamanza kizigenza wa Repuburika y’Uburundi agasaba ko atawokwihutira kuvuga ko ababibikoze ari aba canke bariya, canke kuvuga intumbero bari bafise, mu gihe amatohoza agikorwa.

Sylvestre NYANDWI, umushikirizamanza kizigenza wa Repuburika asaba umuntu wese yoba afise inkuru ku vyabaye kuri ivyo biro, ko yoyishikiriza igiporisi.


Kumenyekanisha

1
ntahondi fabiyano 17-09-2017 à 06:03

Mbega kovyakozwe nicogi Porice nigisirikare hamwe nimbonerakure, ayo matohoza muvuga azokorwa nabande?
iyo bumenya umwe bwarikindi.

2
kigabo jean marie 15-09-2017 à 16:12

ngo bazomesa kagame, ariko, ariko ese imbonerakure za peter zisumvya ingufu interahamwe za habyara?cyangwa babona ko bataye umutwe ngo bazamesa uyu nuriya ewe aba dd muragowe ehe ndabavunire akagohe, niba muri abagabo murarasa hakurya y’akanyaru ngirango ntimuzomara umwanya urume rumara. maze babavugutire umuti,ico muzi kwica inzirakarengane.

3
Cobla Rouge 15-09-2017 à 15:05

Umushikirizamanza ivyo avuga sivyo none ko Imbonerakure zahereye kera ziririmba ko zizomesa Kagame,ONU n’uBubiligi ikindi arindiriye gutohoza n’igiki?birazwi ko ari CNDD n’Imbonerakure zabigize yaco muhenda abanyagihugu

4
BUSURAHENDE 15-09-2017 à 12:58

Uyo mushikirizamanza aze abanze atangurire amatohoza kubatanguye kugira iterabwoba mu mvugo Ibiro Bijejwe Agateka ka Zina Muntu ko kumbure boba babishize mu ngiro. Erega nawe nyene si Imana arashobora gutohoza ivyiwe, abamuha inkuru bakamubesha canke agahengama.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha