Ubushikiranganji bw’umutekano bwemeza ko ububisha bukomakomeye bwagabanutse

Yanditswe na Pacifique BUKURU
Kuya 18 Gitugutu 2017 saa 08:06
Yasomwe : 4446
0 0

Umushikiranganji w’umutekano Alain Guillaume BUNYONI amenyesha ko umutekano wiyongereye muri iki gice kigira gatatu c’umwakaw’2017.

Mu kiganiro n’abamenyeshamakuru caremeshejwe kuri uwu wa kabiri itariki 17 Gitugutu 2017, umushikiranganji Alain Guillaume BUNYONI yamenyesheje ko kuva mu kwezi kwa Mukakaro gushika mu mpera za Nyakanga, umutekano mu mihingo yose y’igihugu wiyongereye bishimishije.

Uwo mushikiranganji amenyesha ko ububisha bukomakomeye bwagabanutse cane, agatanga uburorero, nk’ibisasu ntezwantoke (Grenades) vyatewe vyavuye ku gitigiri c’indwi (7) mu kwezi kwa Mukakaro, bija kuri 1 mu kwezi kwa Nyakanga. Ukunyuruzwa abantu vyavuye ku gitigiri ca 17 mu kwezi kwa Gitugutu bija ku gitigiri ca 1 muri Nyakanga. Harakozwe amasakwa arenga ibihumbi 3, inkoho zigera kuri 17 zo mu bwoko bwa Karachnikov zirafatwa, ama "Pistolets", amasasu ashika ku majana 9. Ibiro bishika 12000 vy’urumogi vyafashwe, ibiti 129 vy’urumogi vyaturiwe, hamwe n’inzoga zitemewe n’amategeko zirenga amaritiro 200000 zasheshwe.

JPEG - 70.8 ko
Alain Guillaume BUNYONI, umushikiranganji w’umutekano

Mu gisata co kurwanya ibiturire, umushikiranganji w’Umutekano yamenyesheje ko amatoni 40 y’ikawa n’amatoni 17 y’ubutare yafatiwe mu rudandazwa rudaciye mu mategeko.

Mugisata co gukinga impanuka, ibisasu, inkoho amabombe n’ama mine vyarasambuwe.

Mugisata c’ubutunzi, umushikiranganji yamenyesheje ko amafaranga agera kuri 4.900.000.000 yinjiye mu kigega ca Reta biciye mu bikorwa bihurikiye mu bushikiranganji bw’umutekano.


Kumenyekanisha

1
BUSURAHENDE 18-10-2017 à 10:26

Jewe nagira mvuge ku vyerekeye amasakwa y’ibigwanisho. Kubona mu masakwa arenga 3000 hafatwa inkoho 17 gusa uravye ibirwanisho vyatanzwe n’ingene vyirigwa biriha inkumbi hirya no hino, sinumva ico cegeranyo umwizero coha abanyagihugu. Babesha ngo bariko barasaka ibirwanisho, hanyuma tukumva ngo bahawe ikibanza ca mbere kandi inganda ziriko ziratikira.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha