Umurwi wa mbere w’abagirizwa kuzokoresha inkoho mu matora wafashwe

Yanditswe na Egide NDUWIMANA
Kuya 19 Ndamukiza 2018 saa 01:29
113400
0 0

Abantu umunani bagirizwa ko bariko bategura guhungabanya amatora y’ibwirizwa shingiro bakoresheje inkoho bapfungiwe mw’iperereza i Bujumbura. Mu giporisi c’Uburundi bavuga ko abo bantu bafatiwe ku mitumba itandukanye y’intara ya Bujumbura benshi bita « Rural ».

Uwo murwi wa mbere w’abantu bagirizwa ko bariko bategura guhungabanya amatora bakoresheje inkoho, nk’uko vyemezwa n’igiporisi, wafashwe kuri uwu wa gatatu igenekerezo rya 18 Ndamukiza 2018, mw’isakwa ryabaye ku mitumba ya Nyabunyegeri na Rubirizi, muri komine Mutimbuzi, intara ya Bujumbura benshi bita « Bujumbura rural »

Muri iryo sakwa, umwe muri munani bafashwe, azwi kw’izina rya BUCUMI Jean niwe yatanguye gufatwa n’izo nkoho, mu matohoza yakozwe kuri we, akaba ariho abo bandi bafashwe.

Petero NKURIKIYE avugira ubushikiranganji bw’umutekano amenyesha ko uwo murwi wafatanwe ibirwanisho bicira umuriro.

« Bafatanwe ibirwanisho bigizwe n’inkoho zibiri zo mu bwoko bwa Kalashnikov hamwe n’ibikono vy’amasasu. Bagirizwa ko bafise intumbero y’uguhungabanya amatora yimirije y’ibwirizwa shingiro bakoresheje ibirwanisho. Nibo ba mbere tubonye. »

Mu giporisi c’Uburundi bavuga ko inyuma y’abo bafashwe, hariho abakironderwa, kandi ko bafise amakuru ko hariho n’inkoho zitafashwe zikiriko ziraronderwa.

Abo bantu bafashwe mu gihe hari amakuru abandanya kuvugwa y’imirwi yoba iriko yitegurira gutera Uburundi. Mu giporisi bamenyesha ko atawovuga ubu ko abo bafashwe bafitaniye isano n’ayo makuru, kuko amatohoza ataravyerekana. Petero NKURIKIYE avuga ariko ko mu bushikiranganji bw’umutekano bazi ko hari abanyeporitike bamaze gushikiriza ko bazodurumbanya amatora yimirije.

« Isano kugira turivuge n’uko amatohoza aba yaheze yose. Ariko mwese mwariyumviye ko hariho abavuze ko biteguriye kurwanya amatora, mbere bakoresheje ibirwanisho. Amatohoza ntiturayaheza kugira tumenye neza ko ari bariya canke abandi. Mu matohoza barababaza neza intumbero bari bafise, bagaheza bakababaza neza ibirwanisho aho babikuye, n’ingene bokoze mu guhungabanya ayo matora. »

Uwo murwi wa mbere w’abagirizwa ko bariko bategura gukoresha inkoho mu guhungabanya amatora uje ukurikira abari baragerageje nabo nyene guhungabanya amatora imbere y’abo, mu giporisi bakavuga ko ab’ubwa mbere bari babikoze mu kwandika nabi abazokwitaba ayo matora, canke mu kwigisha abantu kutazoyitaba

Mu giporisi c’Uburundi bagabisha abandi bose bafise iyo ntumbero y’uguhungabanya amatora y’ibwirizwa shingiro ko batazobihanganira, kandi ko n’ingingo z’ugukomeza umutekano imbere no mu matora nyezina zafashwe.


Kumenyekanisha

1
Jean De Dieu Kin Sindayihebura 23-04-2018 à 21:35

Uworukarisha Rwomumwa Nibarye Bike Baryeme Kare

2
iris 22-04-2018 à 13:20

barabesha Umukuru w’igihugu yarabivuze ko bazoshira nk’ifu y’imijira,nukuri abaciyumvira ko bazodurumbanya I gihugu c’uburundi,ndabarahiye;nibateshwe bate ubu natwe twaraciye ubwenge imisi ba sesa nkuyoze baducuritse irakwiye!

3
Didas 21-04-2018 à 17:10

Andika hano,uwuzorukarisha,ruzomumwa

4
assan bikorimana 21-04-2018 à 08:05

Nukuri abarundi twessehamwe turakwiye,kureba, iyotwavuye nahotugeze, ubu duhagurukirerimwe,twubake, igihugucacu, cuburundi turekekugitabagura,

5
JANVIER 20-04-2018 à 22:39

NUKO TWESE TWOKWITABIRA KWUMVA UWO MUGAMBI WARETA KUKO WASEGUTORO BURACA UMWE WANKA GUTORO AKAGUTWARA TWESE TUMVIRE HASI RIMWE TUJE GUSHIGIRA UMUGAMBI WACU KUKO NUTATUGANYA AHO URI UBWAWE NTAWOHANZE AZOZA GUHAGUTUGANIRIZA

6
NETSORI 19-04-2018 à 23:13

UWUTAZI IYOTWAVUYE NTAMENYA N’IYOTUGEZE CARATUVUNYE.NIBACIRE BIRARURA UBWOBUGABO BUBURA GUFATISUKA BUKARIMA NGOBUGOMBA GUHUNGABANYA CARAFASHWE TURURE.KOMERA KUMUHETO MUTAMA

7
lg 19-04-2018 à 20:38

iyo bijya gucika murata gukunda igihugu reka muzamarane mwicana kubera inda nini aho kubaha inkweto mwabahaye imbunda reka bazazibicishe

8
NIYUNGEKO ALEX 19-04-2018 à 18:39

NUKURI NDASAVYE UWUSHONJE YIHANGANE GUFITIKIGWANISHO UBA WIHAYURUPFU RETA NIYIGISHABANTU BIRINDE KUKO UBU UMUHUTU AKUNDA LETA KAND UWUNDI MUHUTU ARANKA LETA NABATUTSI NIKOBARI URUNVA UWO MUSANGIYUBWOKO YASE KUHUNGABANYA UMUTEKANO ARAKUREGA PE NIBABIHEBE KUDURUMBANYA

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha