Umutamakazi w’imyaka 64 yatowe ikiziga ku ruzi Nyagonga

Yanditswe na Egide NDUWIMANA
Kuya 4 Nyakanga 2017 saa 11:50
Yasomwe : 12015
0 0

Ikiziga c’umutamakazi catowe mw’ijoro ryo kuri uwu w’Imana igenekerezo rya 3 Nyakanga 2017, nk’igihe c’isaha zibiri z’ijoro ku musozi Nyamiyogoro, komine Muruta mu ntara ya Kayanza.

Ico kiziga catowe kireremba ku ruzi Nyagonga ruri aho mu ntara ya Kayanza. Mu giporisi c’Uburundi bavuga ko uwo mutamakazi yamenyekanye.

Uwo atawuramenya icamwishe ni NYANDWI Elisabeth w’imyaka 64. Mu giporisi mu ntara ya Kayanza barashitse kuraba ico kiziga (Constat), bakavuga ko amatohoza yatanguye.

Abantu babiri bakomerekejwe na Gerenade mu Kirundo

Igisasu ntezwaminwe (Grenade) catewe mw’ijoro ryo kuri uwu w’Imana nk’igihe c’isaha imwe ku musozi Kigoma, komine Busoni, intara ya Kirundo cakomerekeje abantu babiri.

Iyo gerenade yatewe ku rugo rw’uwitwa NDUWIMANA Hassan, ikaba yakomerekeje abantu babiri bariko bavurirwa kw’ivuriro ritoya rya Burara.

Umugabo azwi kw’izina rya NZOBONIMPA Emmanuel w’imyaka 53 niwe yafashwe n’igiporisi mu matohoza, akaba apfungiwe ku gasho k’intara ya Kirundo.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha