Accueil > Amakuru > Utuntu n’utundi > Umwana mukuru wa Mowzey Radio yinjiye mu murwi w’umupira w’amaguru (...)
Umwana mukuru wa Mowzey Radio yinjiye mu murwi w’umupira w’amaguru w’abana
vendredi 4 mai 2018
Uwo mwana azwi kw’izina rya Theo Kingsley Ssekibogo, Mowzey Radio yamuvyaranye n’umukenyezi Karen Gammeltoft, ubu aba mu gihugu ca Danemark.
Nyina wa Theo Kingsley Ssekibogo yavuze ko kwinjira mu murwi w’abana atari isanganya, kuko ari ingabire yakuranye.
Ikinyamakuru Chimpreports cavuze ko nyina wa Theo Kingsley Ssekibogo yamufashije kwinjira mu murwi w’abana, kugira ashimangire indoto yamye afise kuva akiri muto.
- Theo Kingsley Ssekibogo, umwana mukuru wa Mowzey Radio
Theo Kingsley Ssekibogo yatanguye kwerekana ingabire nk’uwuzosigarana izina rya se, kuko afise indoto zo kuba umukinyi w’umupira w’amaguru akomeye.
Theo Kingsley Ssekibogo yinjiye muri uwo murwi, mu gihe haheze amezi atatu, se wiwe Mowzey Radio yitavye Imana, hari kw’igenekerezo rya 1 Ruhuhuma 2018.
MUGISHA Van Naris
