Urugo rw’icariho c’umushikirizamanza i Gitega rwatewe n’abitwaje inkoho

Yanditswe na Egide NDUWIMANA
Kuya 28 Nyakanga 2017 saa 09:15
Yasomwe : 22320
0 0

Abantu babiri bitwaje inkoho zo mu bwoko bwa "Pistolets" bateye ku rugo rwa Thérèse NIYONGABO, icariho c’umushikirizamanza mukuru wa Sentare isubiramwo imanza i Gitega. Abo bantu bagiye bivye ibikoresho bitandukanye.

Abo bantu bitwaje inkoho bateye kuri urwo rugo ruri muri karitiye ya Nyabututsi mu gisagara ca Gitega, mu gatondo ko kuri uwu wa gatatu. Nk’uko mu giporisi babimenyesha, abo bitwaje inkoho babanje kwugaranira mu nzu abana ba Thérèse NIYONGABO, aho akaba ari mu gihe nyene urugo, ariwe cariho c’umushikirizamanza mukuru wa Sentare isubiramwo imanza i Gitega, yari mu rugendo i Bujumbura.

Mu giporisi bamenyesha ko abo bantu batarashe, ariko ko bagiye bivye imashini nyabwonko (Ordinateur) imwe, amafaranga y’amarundi agera ku bihumbi amajana ane, Terefone ngendanwa zibiri, iradiyo, hamwe n’impapuro z’ivyo ku kazi (Documents de service).

Mu giporisi bamenyesha ko bashitse gutabara abo bantu bagiye kera, n’imodaka yariko irabunguruza ikaba itamenyekanye.


Kumenyekanisha

1
Ntahondi fabiyano 28-09-2017 à 21:27

Nigi porice hamwe nimbonerakure bavyivye, eregabirazwi konabonyene bigorerewe atacobafise coguta kumunwa.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha