Advertisement
Kumenyekanisha
  IGIHE.bi \BB Amakuru \BB umutekano
Inzego z’umutekano zahawe indwi imwe y’amatohoza ku rupfu rwa Général KARARUZA
Yanditswe taliki ya 25-04-2016 - isaha 20:10' na IGIHE

Inyuma y’igandagurwa ry’intwazangabo y’igisirikare c’Uburundi, Général Athanase KARARUZA kuri uwu wa mbere, umukuru w’igihugu Petero NKURUNZIZA yahojeje umuryango wiwe, hamwe n’inzego z’igisirikare, z‘igipolisi n’igendereza bari basanzwe bakorana.

Umukuru w’igihugu Petero NKURUNZIZA yamenyesheje ko Uburundi bubuze Intwari, umugabo w’ijunja n’ijambo, Intwazangabo yateye Iteka Uburundi n’abarundi haba mu gihugu canke mu makungu, aho yabaye n’Icegera c’Uwutwara Ingabo za MISCA, mu gihugu ca Centrafrique. Umukuru w’igihugu yavuze kandi ko iyo ntwazangabo yarwanije yivuye inyuma abashatse gutembagaza inzego zitorewe n’abanyagihugu, mu mwaka uheze, yongera arafasha bimwe bidasanzwe kubungabunga amahoro n’umutekano mu gihe c’amatora n’inyuma yaho. Ikiringo c’indwi imwe gusa akaba arico umukuru w’igihugu Petero NKURUNZIZA yahaye inzego z’umutekano kugira abagandaguye iyo ntwazangabo babe bamenyekanye, bafatwe kandi bashengezwe mu butungane.

Ijambo rishikirijwe n’Umukuru w’Igihugu Petero NKURUNZIZA inyuma y’igandagurwa rya Général Athanase KARARUZA

Barundi, Barundikizi,

1. Uno munsi, igenekerezo rya 25 Ndamukiza 2016, wabaye umunsi w’amarira n’amaganya ku muryango w’Intwazangabo Jenerali Athanase Kararuza, ku Nzego zo kwivuna abansi no ku Barundi bose. Hakiri kare, aho Intwazangabo Kararuza yariko ashikana ikibondo ciwe kw’ishure, akarwi k’inkozi z’ikibi kihaye inkumbi mu kumugandagura bunyamaswa, kamugandagurana n’abo bari kumwe mu muduga, harimwo n’Umutambukanyi wiwe.

2. Imbere ya vyose dusavye Imana Mushobora vyose imwakire mu bwami bwayo, yongere ifashe umuryango wiwe, incuti ziwe, mbere n’abarundi bose. Turahojeje umuryango wiwe, turahojeje kandi inzego z’igisirikare, z‘igipolisi n’igendereza bari basanzwe bakorana bafatanye munda hamwe nabo bahora bakorana mu biro vy’Icegera ca mbere c’Umukuru w’igihugu.

3. Uburundi burabuze Intwari, umugabo w’ijunja n’ijambo, Intwazangabo yateye Iteka Uburundi n’abarundi haba mu gihugu canke mu makungu, aho yabaye n’Icegera c’Uwutwara Ingabo za MISCA, mu gihugu ca Centrafrique. Bitayeko Yararwanije yivuye inyuma abashatse gutembagaza inzego zitorewe n’abanyagihugu, mu mwaka uheze, yongera arafasha bimwe bidasanzwe kubungabunga amahoro n’umutekano mu gihe c’amatora n’inyuma yaho.

4. Turamusabiye ku Mana Mushoboravyose imwakire mu bwami bwayo, yongere ihe umutima wo kwihangana no kwigumya umuryango wiwe, tutibagiye incuti abagenzi n’abakunzi biwe aho bari hose.

5. Turasaba dushimitse, twicishije bugufi, ko Imana yotuja imbere, kugira abakoze ako kabi kabishe batabwe muri yompi, bongere bahanwe mu maguru masha, hakurikijwe amategeko.

Barundi, Barundikazi,

6. Dusavye inzego z’umutekano ko mu kiringo kitarenze indwi imwe gusa abo babisha boba bamenyekanye, bafatwe kandi barengutswe imbere y’ubutungane.

7. Ibi bibaye uno munsi, ejo hahise hatewe iyindi ntwazangabo, mbere no mu ndwi yahera ako karwi k’ababisha bihaye inganda mu kwica abantu kabaziza amabanga bafise mu nzego zijejwe kwivuna abansi canke guhagararira umutekano w’abarundi n’igihugu, ndetse n’abenegihugu aho bakorera nko mw’isoko no mu bunywero. Ntaho bataniye nabakora ububisha bw’iterabwoba.

8. Turasavye abarundi ngo bame barikanuye, babandanye bakomeza ya makomite y’umutekano ahurikiwemwo na bose, kugira ababisha bafise iyo migambi iburizwemwo kandi bafatwe bahanwe batarakora ibara. Igihambaye dusaba Abarundi iyo bava bakagera, ni uko bokwama bagendera ubwitonzi, ubwira n’ubumwe vyaranze Jenerali Kararuza Athanase, ntibarwe mu mutego w’abo babisha, nyabuna tugire urunani rw’intamenwa dutuze utwo turwi tw’iterabwoba.

9. Mu kurangiza, twibukanye amajambo akomeye ari mu ruririmbo ruhayagiza igihugu cacu avuga ngo “Imana yakuduhaye ikudutungire“. Turasabiye umwana yazize ubusa agakomeretswa n’ivyo bisasu vyatewe umuduga warimwo abavyeyi biwe ko Imana yomufasha ikarokora ubuzima bwiwe.

10. Tuboneyeho n’akaryo ko kuremesha Abarundi bose muri rusangi ko nk’uko utundi turwi tw’inkorabara twasambuwe, n’aba baduhekuye bagiye kuja ahabona, bateshwe kandi bafatwe, bahanwe hakurikijwe amategeko.

Imana ihangaze Uburundi n’Abarundi

Murakoze

Ivyiyumviro vyanyu

Mbega Yemwe Karashize Ingani Twihe Amenyo Yabatwenzi Igihugu Cuburundi Ko Kirimwo Abagabo Benshi Kandi Twabona Ko Arintwari Niki Gituma Amaraso Aguma Aseseka Ntakundi Umwotsi Urabura Iyuja Ukaja Mwijuru Nibihe Hama Yonyene Igire Ico Yikorera Kuko Abarundi Turaruhishwa Nokwama Turumva Ngo Ngwaho Mbe Tuzohunga Gushika Ryari Ko Mpungugwaha Yakimajije Amaguru

1er.05.2016 à 21:35
Nizigiyimana Sebatien

NIBANYARUTSE AMATOHOZA,BAFASHWE JEWE NUMVA KOBOBATANGA KWAKARORERO

29.04.2016 à 03:17
NSHIMIRIMANA

Kwivubwehe.com...haa urabamara nimba batabona...bakunda amahera nasyeee

28.04.2016 à 02:28
Mukobwajana

nibihanganentakundi.

27.04.2016 à 21:27
Elyse

Nashaka Ifoto Ya Kararuza Numuryango Wiwe.

27.04.2016 à 12:57
Fabrice

Kobamaranye,ntibahava Birara Mu Bayagihugu Nano !Uwusobora Nuguhunga Uburundi Hakirikare.Fungeni Mizigo.

27.04.2016 à 01:30
Ch@misher,

None Uburundi Buzosigaramwo Bande ?

26.04.2016 à 21:23
Jean-marie

Usigaye wica ufite discours yakubesha ngo urahumuriza uzageza ryari, ? Ubwo hitegure uzaguhumuriza nawe mugihe uzaba wamutumye guhumutiza abarundi. Arinjye nakwegura hakirikare. Amaraso yabarundi ataraguhitana

26.04.2016 à 20:45
aca

Nagatwenza Mu Burundi,karaciye Ingani Twisamburireko Nkimpene Be Mukwicana ?Eh Impand Zose Nukwicana Gusa,no Mugisirikare Nah ?Mbe Binanirany Munzeg Z,umutekan Bimez Kury Umunt Mut Naw Bizohav Bigend Gte ?Mana Tabara Nukuru !Wait

26.04.2016 à 19:41
Liberat

ubwobwicanyintibuzoherahataje ibihano umuntukuwundi

26.04.2016 à 19:13
TIARG-B

EMWE IBI NTAVYO NSABIYEKO NONE IYI NTWARO YUBWICANYI IZOHERA RYARI ?HASIGAYE AHIMANA.

26.04.2016 à 18:55
BONAVENTURE

ariko nkurunziza ntanisoni agira koko , nigute mwica abantu hanyuma mukongera ho nagashinyaguro ngo indwi imwe yitohoza , ese igihe mwayitangiye haricyo yagezeho cg nuguhuma amaso abanyagihugu ngo vagirengo simwe bicanyi bamaze abantu , kuva kuri ba bikomagu , adolphe, ...nuyu mu general ngo indwi imwe yitohoza itarigeze igira icyo ishikako , president nkurunziza niwewe waciye umugani ngo iyo uteye umupira kuruhome ukugarukako tegereza nawe bizokugarukako bensuda nunvise agira ashike muburundi cg obonyine mukorana bakwirangirize

26.04.2016 à 18:30
jean

igihe cyose hayoboye umwami ufite umugore wumupfumu cg uraguza hameneka amaraso menshi ex : Ahabu na Jezabel rero murwane musenga naho ubundi muragowe pe.

26.04.2016 à 18:17
didos

Vyari kuba vyo uwu muntu yitwa Nkurunziza yahavuye yitwa Nkurumbi ku Barundi bose, iyo atavuka.

26.04.2016 à 16:55
Tujahe ?

MANDAT YA 3,YAGIZE INGARUKA ZIKOMEYE HABA KUBANYAGIHUGU NDETSE NABANYAMAHANGA UNAREBYE NEZA IBIBAZO BYABAYE MBERE BYAGEZE NOKUNKOKO.UBU AHO BIGEZE MURAGABE BANTU MUTUYE MU BURUNDI.

26.04.2016 à 16:26
Ngogas S

Ayo marira y´ingona ntawutayabona. Amaherezo ni i Lahaye kazima CPI yatanguye enquêtes. Kararuza na we yakoreye inda yiwe none nimurabe inyishu Peter amuhaye. N´abandi babonereko kuko Peter nta muntu n´umwe akunda. Abahutu b´ibijuju abahenda ngo ni ingorane ziterwa n´Abatutsi. Abatutsi n´Abahutu baciye akenge kandi bagendera mu kuri baca baba abansi.
Abarundi nitwikangura tuzomwikurako hanyuma dutere imbere nk´abandi muri kano karere kuko igihe cose Peter azoba agitwara Uburundi, ubukene buzokwamaho.

26.04.2016 à 15:08
Uwubizi

Urica abantu hanyuma ugasaba ko hakorwa itohoza ??n’akamaramaza

26.04.2016 à 15:04
jean

urabamazekweri usigaye kwicanyoko

26.04.2016 à 10:12
gahanga

Peter ikibazo ca mandat ya 3 yarahejeje kugihindurira isura. Yatanguye kuvuga ko ingorane ziri iburundi ari izamoko, abarundi bati urahumba. Kugira abibijuju abibemeze aca ahitana umuhutu Adolph, aca ahitana umututsi Bikomagu, mandat benshi baca barayibagigwa. Conclusion yabaye une bonne solution. Ubu rero, peter yishe umuhutu, aca yica numututsi, agacanganyikisha imbande zose

26.04.2016 à 10:07
Aferky

UWIBAZAKO ABASIRIKARE YABAMAZE ARIHENDA. AHUBWO ABO BATEGETSI NIBATANGUZE INYIGISHO ZA GISIRIKARE KUMITUMBA YOSE YUBURUNDI TWICUNGIRE UMUTEKANO.NAYO ABO BATUMA KWICA NGIRA BAZOHERA IYO BARI ? IYO BABA BAZI KO IVYO BAGIRA KO ARIVYITEKA KO HARI IMIRWI 5 YIYITA ABA ROBELLE KUKI ATANUMWE AVYEMANGA ? ABANYAGIHUGU TUZIGWANIRA NKUKO VYABAYEYE MURI 1993 KAND TUTARI TUZI KURASA. NIBATURYE AKARA FUSA RUBANDA NYAMWISHI IZIRONDERERA IJAMBO UKO BIZOGENDA KOSE. NAYO ABO BICA ABANTU NTABWO BAZOBAMARA. AYO MA SACRIFICE BARIKO BAGIRA ATEYE ISONI KUKO ABA EX FAB BAMUKUNDA. HOZA UWUNDI MUNTU NKA MINANI MVEGA YOCA ATWARANDE ARI UMU CIVIL ?NTAZOKENERA ABAMUCUNGA ?TUZOBA TURIMWO.

26.04.2016 à 09:50
umve
1 | 2 | 3

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.