Rusaka : Igiporisi cafashe abagabo 2 bakekwa kwica umunyagihugu

Abantu babiri nibo bafatanywe imyambaro ya giporisi muri komine ya Rusaka inyuma y’aho umuntu agandaguriwe bunyamaswa.

Abo bagabo babiri bafashwe, bakaba mw’isaho imwe harimwo imbugita yariko amaraso. Abo bantu bari bahejeje gukora ibara ku musozi w’iyo komine ya Rusaka, bakaba bariketswe maze barasakwa, ariko guca bafatwa n’igipirisi co muri iyo komine. Abo bagabo bompi bakaba ubu bari mu minwe y’inyamiramabi muri iyo komine, ku mvo z’amatohoza.

Muri komine ya Rusaka rero nk’uko abanyagihugu baho babivuga, hakaba hari hamaze iminsi ubusuma bwo mu mirima, aho hari abantu basoroma imirima atari iyabo. Abo banyagihugu bo muri iyo komine bagasaba koamatohoza yoba kugira uwakoze ubwobwicanyi wese ahanwe bimwe vy’akarorero.