Advertisement
Kumenyekanisha
  IGIHE.bi \BB Amakuru \BB umutekano
Uwagandaguye ababikira b’abatariyanokazi batatu yasiguye icabimutumye
Yanditswe taliki ya 9-09-2014 - isaha 17:51'

Christian Claude Butoyi w’imyaka 33 y’amavuka aremera ko ariwe yagandaguye abanje gushurashuza ababikira batatu b’abatariyano bakorera kuri paruwasi Guido Maria CONFORTI yo muri komine Kamenge. Uwo apfungiwe mu giporisi kw’i Jabe asigura ko yabagandaguye kubera yari abanyamahanga bakorera mw’itongo ryiwe.

Igiporisi c’Uburundi, ku muhingamo wo kuri uwu wa kabiri, cerekanye umunyagihugu yafashwe yagirizwa ko ariwe yagandaguye ababikira batatu bo mu muryango w’abasaveri. Helmenegilde Harimenshi, umuvugizi w’igiporisi c’Uburundi avuga ko bamufashe bahawe amakuru n’abanyagihugu bari babonye umuntu ariko agurisha terefone ngendanwa yarimwo ubutumwa bugufi (sms) buri mu rurimi rw’igitariyano. Abo banyagihugu baciye batabaza abajejwe umutekano, babajije uwo yariko agurisha iyo terefone ngendanwa ababwira ko yayiguriye uwitwa Christian Claude Butoyi. Igiporisi caciye gitangura kumurondera, akaba yafashwe mw’ijoro ryo ku munsi wa mbere rishira iryo kuwa kabiri.

JPEG - 50.2 ko
Terefone ngendanwa, hamwe n’ibuye ryakoreshejwe mu guhonda mu gahanga abo babikira b’abatariyano

Uwagirizwa aravyiyemerera wenyene

Umuvugizi w’igiporisi c’Uburundi Helmenegilde Harimenshi amenyesha ko mu bibazo uwo yagirizwa yabajijwe, vyose yavyishuye nk’umuntu akomeye, kandi akaba yiyemerera ko ariwe yagandaguye abo babikira abanje kubashurashuza. Christian Claude Butoyi avuga ko yabagandaguye kubera bakorera mw’itongo ryiwe. Abajijwe igituma atigeze yitura ubutungane kugira asabe ko yohabwa ico kibanza yita rwiwe, Christian Claude Butoyi asigura ko atigeze abironkera umwanya. Igihe abaporisi bamwerekana, Christian Claude Butoyi ntiyigeze aboneka ko hari ubwoba yari afise, mbere bikaba vyaboneka ko kuba yatawe muri yompi ataco vyari bimubwiye.

JPEG - 45.4 ko
Jean Christian Butoyi, yagirizwa kuba ariwe yagandaguye ababikira batatu b’abatariyano

Abanyezamu nabo nyene bagipfunzwe, bo kuri paruwasi Guido Maria CONFORTI ahakorera abo babikira baremeza ko bari babonye muri ico kigo uwo yagirizwa ico caha, imbere y’uko iryo bara rirwa. N’ishati yuzuye amaraso yari yafatiwe ahagandaguriwe abo babikira, Christian Claude Butoyi aremeza ko ari rwiwe, akavuga ko yari yayisize kubera yari yacafuye. Mu giporisi c’Uburundi bavuga ko Christian Claude Butoyi yafatanwe urufunguruzo rw’aharara abo babikira, akaba yasiguye ko yari yateguye kwica bane, ariko kubera yishe batatu gusa, yashaka kuzohava agaruka kwica uwo wundi yari asigaye.

JPEG - 40.9 ko
Helmenegilde HARIMENSHI, umuvugizi w’igiporisi c’Uburundi

Helmenegilde Harimenshi avugira igiporisi c’Uburundi amenyesha ko amatohoza akibandanya kugira bamenye abandi boba bari kumwe na Christian Claude Butoyi, hamwe n’ibindi vyoba vyaratumye abo babikira batatu b’abatariyano bagandagurwa. Abanyagihugu basabwe kubandanya bakorana n’abajejwe umutekano, bumvise amakuru bayatange. Ku bijanye n’umutekano w’abasigaye kuri paruwasi Guido Maria CONFORTI, mu giporisi c’Uburundi bamenyesha ko bongereje abacungera umutekano, abakorera aho kuri paruwasi Guido Maria CONFORTI bakaba nabo basabwe guhindura imfunguruzo (cellules) z’imiryango yose yo kuri iyo paruwasi.

JPEG - 39.6 ko
Jean Christian Butoyi, yagirizwa kuba ariwe yagandaguye ababikira batatu b’abatariyano
Ivyiyumviro vyanyu

Mbega abo babikira bibera mu Kamenge uRwanda rubazi gute? Rufise izihe nyungu mu rufpu rw’abo babikira? Ronderera iyo iwanyu muve ku rwanda.

22.09.2014 à 15:45
ciza

Mbega abo babikira bibera mu Kamenge uRwanda rubazi gute? Rufise izihe nyungu mu rufpu rw’abo babikira? Ronderera iyo iwanyu muve ku rwanda.

22.09.2014 à 15:45
ciza

Imana yoyo irabona uwishe abo babikira! Icoduha agahinduka amaraso yabo ntazomwagirize kumusi wurubanza, ahubwo nahinduke yigaye kandi abasabe bamusabire.

12.09.2014 à 17:45
eric

Izo ni interahamwe!!!! mwitondere abantu bariko baracafuza u rwanda biyita abarundi izoni interahamwe. muze murabe abiyita mutabazi, mama, etc....

11.09.2014 à 21:55
Ciza

Barundi benewacu!!!!! mwitondeeere ibintu biriko birandikwa bitukisha igihugu kibanyi c urwanda!!!!! ku isi yose no mu burundi hari interahamwe ziriko ziyita abarundi zigacafuza u rwanda bikitwako abarundi aribo bariko barandika ivyo!!!!! twiyamirije interahamwe hamwe n’abarundi bamwe bariko bazifasha novuga abaja biyita mama, mutabazi n’abandi. bariko barondera urwango ku rwanda kdi ntagituma haba urwango. mbe Kagame yabatwaye iki? ko ari uwambere mu gutuza ibiturire muri africa mwe ntivyabankiye? mushitse naho mumubeshera ngo yishe abihaye Imana? sarizwa iyooooo

11.09.2014 à 21:31
Kabura

aba beshera urwanda iyo noyita kwari jalousie kuko ni nkaba athlètes babiri biruka bahiganwa uwubonako asigaye inyuma agahitamwo gukwega akaguru kamugenziwe yamusize ngo bananigwe bose .reka sigaho gutricha (tricheries)

11.09.2014 à 14:45
@#

Kubwanje bomubaza neza icabimuteye ivyihano navyo bisize ubwenge kuko ntawomwica ariko nibamufunge kugira ntiyice n-abandi.

ejo nari nababwiye .uburero nibadusobanurire iyo bakuye ifuguruzo????%irya telephone ?????ntibasubire kuvuga ko bazisanganye umusazi????mbega ibinywamaraso vyaba DD kumwe bica abantu ibusinde nubu basubiye kurementanya imana ihora ihoze ika kwerekana aha.kwisi .raba ingene iberekanye atawarabizi kwaribo babikoze komera manaaaaaaaaaaaaaaanaaaaaaaaaaaaaaaa

10.09.2014 à 18:43
nwari

Birababaje kubonabafata Umusazi akaba ariwe batwereka hanyuma bakamubera numuvugizi nibareke abitwibwirire wenyene kumboneshakure hanyuma turabe ingene abitondekanya kwariwe yabikoze.jewe ndumurundi kandi mbamuburundi tuyita NINDE

10.09.2014 à 17:02
uwamahoro

Birababaje kubonabafata Umusazi akaba ariwe batwereka hanyuma bakamubera numuvugizi nibareke abitwibwirire wenyene kumboneshakure hanyuma turabe ingene abitondekanya kwariwe yabikoze.jewe ndumurundi kandi mbamuburundi tuyita NINDE

10.09.2014 à 17:02
uwamahoro

none ababesheraga u Rwanda??

10.09.2014 à 15:34
sir

kubwanje mbona k’ivyo bintu bitumvikana.

10.09.2014 à 15:08
nyabenda jean petit

Emwe ivya kino gihe mu Burundi biragoye muga rero police nihaguruke inye ubwicanyi kandi noneho barakuye nihano co kwica!

10.09.2014 à 15:02
Joseph

Emwe imana yihanganye kera nitabare abantu bayo.ahandi ho uburundi burahumanye kand ivyo uwo mubisha avuga bigoye kwemera kuk umenga hari ikinyegezwa bakwiye kuronderera nahandi bokwikeka.

10.09.2014 à 14:10
fasga abantu bawe

ego nimba yarabikoze nahanwe . Ariko sinemera ko yoba yari wenyene kuko kwica abantu batatu kandi ubanje kubashurashuza ntiwobikora uri wenyene. ivyo mugiswaili tuvyita "DANGANYA TOTO"

10.09.2014 à 12:28
Kubesha Bibi

Nibatubwire aho iryo buye baritoye n’ukugene yishe uwugira gatatu kandi hari haraye igipolisi.j ndabona atari wenyene kabisa.arko mbaye ndashima kubimaze gukorwa na police

10.09.2014 à 12:25
MAN

NIBAGERAGEZE BARABE NEZA KUKO IVYOBINTU NDABORA HARIMWO IGIPFUNGU KIDASOBANUTSE NIBASABE UBUTARIYANO BUKORESHE ADN KURUWO YEMEZA BARABE NEZAKO ARIWE HAMA BAKORE IBIKWIYE.

10.09.2014 à 12:13
Emery

jewe ndi thoma

10.09.2014 à 11:43
uwamahoro

jewe ndi thoma

10.09.2014 à 11:43
uwamahoro

Nizeye ko abavugaga ko ari u Rwanda ruri inyuma y’ubwo bwicanyi babonye ukuri! twe dukora ibyubaka gusa!

10.09.2014 à 10:25
alfa
1 | 2 | 3

ANDIKA ICIYUMVIRO CAWE KURI IYI NKURU

AMATEGEKO AGENGA IYANDIKWA RY’ICIYUMVIRO CAWE:
Ntiwandike ibitajanye n’iyi nkuru, ibitutsi, ivyararaza uwundi canke ibicanishamwo, ntiwandike ibiteye isoni.
Andika email yawe aho vyagenewe. Iciyumviro cawe kija ahabona ari uko camaze gusuzumwa na IGIHE.bi.
Ibi bidakurikijwe, iciyumviro cawe gishobora kutaja ahabona canke kigafutwa, murakoze.