Kook-k na Chany Queen muri "How Much I Love You" : None boba bakundana?

Ururirimbo How Much I Love You rwaririmbwe na Koo-k na Chany Queen rwaragiye ahabona. Urwo ruririmbo rwari rwananiranye gutahurwa, kuko abenshi bumva ko Kook-k na Chany Queen bashize ahabona urukundo bafitaniye, nk’uko vyumvikana no mu ruririmbo. Vyari bisanzwe bizwi ko Kook-k akundanye na Thity Love, Chany Queen nawe akagira umukunzi, ariwe umuririmvyi R Flow.

How Much I Love You ni ururirimbo rushasha umuhinyanyuzi akaba n’umuririmvyi Kook-k yaririmbanye na Chany Queen. Muri urwo ruririmbo, humvikanamwo amajambo yemeza ko abo baririmvyi bashize ku mugaragaro urukundo bakundanye ariko rwahora mu kinyegero.

Mu citabirizo c’urwo ruririmbo, Kook-k na Queen bati : "Turarushe no kuguma twinyegeza, dushaka bose bamenye how much I love you (Ukungene ndagukunda."
Mu ntango z’ururirimbo, Chany Queen aragaruka akavuga ko azi ko Kook-k akundanye na Thity Love ko nawe akundanye na R Flow. Benshi rero vyabananiye gutahura ido n’ido y’ico urwo ruririmbo ruvuga.

Kook-k aratanga umuco amenyesha ko ayo majambo y’urukundo aryohera ugutwi, kandi akomeye cane yose ari amajambo y’ururirimbo ko ataho bihuriye n’ukuri. Ukwo kuri ni uko Chany akundana na R Flow nayo Kook-k nawe akaba ari kumwe na Thity love nka mpfampfe wiwe.

Twobamenyesha ko urwo ruririmbo rwakorewe muri Golden Records, rukozwe na Kook-k ubwiwe.

Umviriza uririmbo “How Much I Love You”