Accueil > Kwidagadura > umucuraranzi > Abakunzi b’umuririmvyi Pascal Tabu Ley bari mu kigandaro
Abakunzi b’umuririmvyi Pascal Tabu Ley bari mu kigandaro
samedi 30 Munyonyo 2013
Pascal Tabu Ley batazira «Seigneur Tabuley Rochereau» yitavye Imana kuri uwu wa gatandatu igenekerezo rya 30 Munyonyo 2013 mu gisagara ca Bruxelles, mu gihugu c’Ububirigi. Uwo muririmvyi rurangiranwa akomoka mu gihugu ca Congo yasandabiye mu bitaro yari amazemwo iminsi itari mike. Umuhungu wiwe, Charles Tabu yamenyesheje ko umuvyeyi wiwe yahitanywe n’ingwara y’igisukari.
- Umuririmvyi Pascal Tabu Ley
Pascal Tabu Ley yavukiye mu gisagara ca Bandundu ku genekerezo rya 13 Munyonyo umwaka w’1940. Yatanguye kuririmba mu masengero, ahava ahamvya imirwi y’abaririmvyi ku mashure aho yagiye ariga. Inyuma y’amashure yiwe, yarakoze mu bushikiranganji bw’indero, ahava agenwa kuba umuyobozi w’intwaro n’ubutunzi kw’ishure rya Athénée de la Gombe.
Umwuga wo kuririmba yawutanguye mu myaka y’1950 n’imyaka y’1956. Yatanguye kuririmba indirimbo yiyandikiye wenyene, aziririmbana na Grand Kalle, umwe mu baririmvyi bakomeye cane bo mu gihugu ca Congo, akaba afatwa nk’uwatanguje umudiho wa kijambere muri ico gihugu. Uwo mwuga Pascal Tabu Ley yari atanguye waramukundiye, ahava mbere ahabwa itazirano rya "Seigneur Tabuley Rochereau"
- Seigneur Tabuley Rochereau
Yahavuye ashinga umurwi wiwe "African fiesta National", umurwi wahinguye indirimbo nyinshi zatumye Pascal Tabu Ley abandanya kuba rurangiranwa mu makungu.
Umviriza imwe mu ndirimbo za Pascal Tabu Ley zakunzwe cane
Egide Nduwimana
Messages
1er Kigarama 2013, 16:47, par Afande
Turamuzi agiy adusigiye RUMBA tuzomwibukirako