Accueil > Kwidagadura > umucuraranzi > Naho yakunzwe na benshi ’’My heart will go on’’ wewe ntayerekwa
Naho yakunzwe na benshi ’’My heart will go on’’ wewe ntayerekwa
dimanche 17 Munyonyo 2013
Celine Dion ntakunda indirimbo yiwe “My heart will go on” naho benshi bayikunze. Biratangaje igituma mu ndirimbo nyinshi afise iyakunzwe ikongera ikanamumenyekanisha gusumba izindi ayanka.
Uwo mu ririmvyi aturuka mu gisagara ca Quebec, aho yari umutumire wa Vincent Cerruti mu kiganiro ashikiriza kw’i radiyo RFM, avuga ko “My heart will go on” atayikunda. Yayitangaje kubera umugabo wiwe yabimusavye ashimitse, naho nyene yabigize mu kumwubaha. Iyo izwi cane cane mw’ireresi yakunzwe cane “Titanic". Aho yari umutumire wa Vincent Cerruti yariko avuga ibijanye n’urukurikirane rwiwe "Loved Me back to Life" agiye gusohora vuba.
![](local/cache-vignettes/L672xH893/celine-dion-wallpapers-9-3d733.jpg?1551030661)
Celine Dion ati:” sinigeze ndayikunda kandi sinzigera ndayikunda, naho yoyo ubwayo yakunzwe n’abantu isinzi n’igihe ntari bwayirirmbire ku mugaragaro”. Iyo ndirimbo siwe wenyene ayanka, Kate Winslet yakinye kw’izina rya Rose muri Titanic ngo ntashaka kuyumva no mu matwi yiwe. Celine akagaruka ati:”biramusha, ayanke canke areke indirimbo ni rwanje.”
Ico kiganiro yagiranye na Vincent Cerruti kiza guca kw’iradiyo igihe c’isaha imwe n’igice z’ijoro uno munsi.
![](local/cache-vignettes/L672xH504/kate-winslet-893ce.jpg?1551030662)
Cherif Nkeshimana
Messages
18 Munyonyo 2013, 06:25, par izinaa
Umugabo we niwe wamutegets kuyiririmba cank yari akurikiye amahera? Bagiye bareka kuduhenda...