Beyonce agiye gutanga imfashanyo mu Burundi

Yanditswe na Cherif NKESHIMANA
Kuya 3 Mukakaro 2017 saa 02:31
Yasomwe : 13473
0 0

Beyonce, igihangange mu muziki mpuzamakungu wo mu midiho wa pop, agiye gufasha gutanga amazi meza ku bana bo mu Burundi. Ivyo akazobikora mu mugambi yise "BEGOOD4BURUNDI".

Mu mugambi "BEGOOD4BURUNDI" bisigura "tube beza kubw’Uburundi", Beyonce afadikanije na UNICEF, hazokubakwa ibigega vyinshi hongere hagwizwe amazi meza ku mashuri.

Uwo mugambi uje inyuma yaho ivyigwa vyerekanye ko mu Burundi abantu 2 kuri batanu (2/5) bataronka amazi meza. Ubwo bukene bw’amazi kandi meza bugaca bukwega indwara zifatira kw’isuku rike. Izo ndwara nyene zikaba ziri mu zica abana benshi mu Burundi. Ivyo vyigwa vya UNICEF bivuga ko umwana 1 kuri 12 bapfa batarashikana imyaka 12.

Beyonce ati : "Kuronka ni ntangere mu buzima bwa muntu. Iyo muhaye amazi meza abana, ntimuba mubahaye ubuzima gusa, muba mubahaye kandi amagara meza, indero, na kazoza gaca ibibatsi".

Arongera akavuga ko abantu bagera ku miriyoni 2 mu Burundi bamara iminota 30 barondera amazi, bigatuma abana basiba kw’ishuri, eka bigatuma abana b’abakobwa bafatwa ku nguvu kubera bagenda ibirometero vyinshi bayarondera.

Ivyo bikorwa vya Beyonce afadikanije na UNICEF bikazogabanya bimwe biboneka ubukene bw’amazi kandi meza mu Burundi. Amakuru dukura mu kinyamakuru africapostnews, avuga ko yaba Beyonce canke UNICEF batavuga amahera ico gikorwa kizotwara.

Tubibutse ko Beyonce ari umuririmvyikazi avuka mu gihugu ca Reta zunze ubumwe za Amerika. Afise abana batatu barimwo amahasa, akaba yubakanye na Jay-Z, nawe nyene akaba ari umuririmvyi w’igihangange.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha