Igiteramo c’umuririmvyi Dety Darba casivye, ashobora kwitaba ica Diamond i Bujumbura

Yanditswe na Cherif Nkeshimana
Kuya 3 Munyonyo 2014 saa 05:11
9930
0 0

Inyuma y’igiteramo cabereye i Bukavu, umuririmvyikazi Dety Darba yahejeje igiteramo atamerewe neza mu magara yiwe, vyatumye igiteramo yogiriye i Bujumbura gisiba. Ariko uwo muririmvyizi azoboneka mu giteramo c’agakura kizoremeshwa n’ibihangange mu muziki vyo mu karere ka Afrika y’Ubuseruko.
Dety Darba yoteramishije igisagara ca Bujumbura kw’’igenekerezo rya 07 Munyonyo mu kigo c’abafaransa ( Institut Francais de Bujumbura). Muri ico giteramo yoshize ahabona urukurikirane rwiwe rwa kabiri yise (...)

Inyuma y’igiteramo cabereye i Bukavu, umuririmvyikazi Dety Darba yahejeje igiteramo atamerewe neza mu magara yiwe, vyatumye igiteramo yogiriye i Bujumbura gisiba. Ariko uwo muririmvyizi azoboneka mu giteramo c’agakura kizoremeshwa n’ibihangange mu muziki vyo mu karere ka Afrika y’Ubuseruko.

JPEG - 36.3 ko
Igiteramo casibijwe

Dety Darba yoteramishije igisagara ca Bujumbura kw’’igenekerezo rya 07 Munyonyo mu kigo c’abafaransa ( Institut Francais de Bujumbura). Muri ico giteramo yoshize ahabona urukurikirane rwiwe rwa kabiri yise "JE NE SUIS PAS ELLE". Amakuru duhejeje guhabwa na Beni Nkomerwa asanzwe ategura ibiteramo vyiwe atumenyesha ko Dety yahejeje igiteramo amagara yiwe atifashe neza ari naco gituma asibije igiteramo. Igitangaje n’uko igenekerezo y’iyungururizo itaramenyekana barindiriye isango rizotangwa n’abajejwe ibiteramo bibera muri "Institut Francais de Bujumbura"

Beni Nkomerwa amenyesha ko amagara amukundiye Dety azoba ari mu giteramo rutura kizoba kw’igenekerezo rya 28 Kigarama. Ico giteramo kidasanzwe kizoremeshwa n’ibihangange mu muziki wo mu karere ka Afrika y’Ubuseruko. Atubwirako ata gisivya Diamond azoba ari muri ico giteramo kuko n’amasazerano bahejeje kuyagira. Beni Nkomerwa asigaje kuvugana n’abaririmvyi Fizzo, Black, Lolilo n’abandi kugira igiteramo gikwize ivyo yipfuza.

Ico giteramo gitegekanijwe kuzobera mu kibanza c’ishuri "EFI Nyakabiga" isigaye yitwa "Lycee Scheppers".

Umviriza ururirimbo "I’m addicted" rwa Dety Darba


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Izindi nkuru wosoma

Izindi Nkuru - Inkuru

Kumenyekanisha
Kumenyekanisha

Kumenyekanisha