Inyuma y’isanganya, T Max ariyegereza cane Imana

Inyuma yaho agiriye isanganya Imana igakinga ikamurokorera ubuzima, umuririmvyi T- Max yabandanije ashima ku buzima Imana yamusubije. Aboneka asenga yiyegereza Imana.

T Max ariko arasenga

Amaze kubona avuye mu menyo y’urupfu, umuririmvyi w’umudiho wa Rap T Max yicisha bugufi yiyegereza Imana. T Max arangamije hejuru nk’uwuraba Imana, ati : "THANK God nehema kwa siku ya leo. Thanks to all my family, my friends and my fans kwa prayers zenu". Bisigura:" Urakoze Mana ku migisha umpaye uno munsi. Ishimwe ku muryango wanje wose iyo uva ukagera, ku bagenzi banje hamwe n’abakunzi ku bisabisho vyanyu."

Hamwe rero umuririmvyi T Max yoba yahora asenga yoba ari amata avyaye amavuta ariko hamwe yoba yibutse kwambaza Imana kubera imwongeye iminsi twomwipfuriza kubandanya.

Mwomenya ko T Max yagize isanganya mu gatondo ka kare kw’igenekerezo rya 09 Gitugutu, imodoka yarimwo yacitse ubunywenywe, uwo nawe arakomereka arikwo gutwarwa mu bitaro vy’abasirikare. T Max ashima Imana kuko ntiyaraye mu bitaro, n’ubu turonka amakuru ko ariko arakira.

Amwe mu mafoto y’uko isanganya ryagenze

Imodoka yarimwo yabaye ubunywenywe

Aho isanganya ryabereye