Emelance Emy yashize ahabona ururirimbo rwa mbere yasubiyemwo

Umuririmvyikazi Emelance Emy yatanguye gushira ahabona indirimbo za mbere muri wa mugambi wiwe wo gusubiramwo indirimbo ziwe za kera. Yasohoye ururirimbo "Burundi Yetu".

Emelance emy ari muri studio kwa Botchum

Emelance ati : "Ndiko nsubiramwo indirimbo zitanu nakoze ngitangura kuririmba. Ubuhinga butera buhinduka kandi vyiza abaririmvyi bojana n’ibihe. Indirimbo zikozwe ku buhinga bugezweho ziraryoha gusumba uko zahora". Emelance yahisemwo gutangura ururirimbo "Burundi Yetu". Naho biri uko, Emelance avuga ko azosubiramwo izo yumva zitakozwe neza. Umuhinyanyuzi Botchum niwe yahawe ico gikorwa co gusubiramwo indirimbo ziwe.

Emelance avuga ko ari ururirimbo rwa nyuma asohoye imbere y’uko umwaka w’2014 urangira kandi rwugurure umwaka buca utangura.