Diamond Platnumz ari muyabira n’abakobwa

Yanditswe na Cherif NKESHIMANA
Kuya 7 Gitugutu 2017 saa 03:48
Yasomwe : 23274
0 0

Diamond Platnumz agiye kwitwarirwa mu butungane yagirizwa kudafasha umwana yavyaranye na Mobetto. Uwo muririmvyi yama mu ngorane z’abakobwa, bamwe bavyarana akabihakana, abandi nabo baguma batangaza ko bamukunda.

Hamisa Mobetto ni umunyamideri azwi cane mu gihugu ca Tanzaniya, yamenyesheje ko agiye kwitwarira umuririmvyi Diamond Platnumz kubera adatanga ibirezo vy’umwana baheruka kuvyarana. Ivyo biri uko mu gihe Diamond yaheruka kuvugira kuri imwe mu mboneshakure z’aho muri Tanzaniya ko afasha Mobetto bihagije, maze akanamugurira imodoka yo kwiyunguruza yo mu bwoko bwa R4 (Iyo yavuzwe ko vyinshi).

Ivyo biri uko inyuma y’aho umwigeme Jessica w’Umurundikazi nawe atangarije ko yavyaranye amahasa na Diamond. Jessica nawe yidogera Diamond ko atariko amufasha kurera abana kandi babasangiye. Uko Jessica yabitangaza, vyerekana ko Diamond atemera ko bavyaranye, ari nakwo gusaba ko bokoresha ibipimo vya ADN kugira bikure amakenga kuri se w’abana. Jessica yavuze ko baryamanye na Diamond igihe yaza mu Burundi bagakorana ururirimbo na Lolilo, eka n’igihe yaza mu giteramo mu Burundi.

Diamond yama mu matati n’abakobwa bamwagiriza kuvyarana nawe maze akabihakana. Si abo gusa, mu mwaka w’i 2013, umwigeme yitwa Peniel Mulingwa nawe yamenyesheje ko afise imbanyi y’uwo muririmvyi. Diamond yaravyemera ariko bayaze amasigara cicaro, kuko ataco yamufashije.

Diamond nyene afitaniye imigenderanire mibi cane na Zari (Uganda) wewe vyari vyitwa ko ari umugore wiwe. Bikavugwa ko bahukanye. Eka na Zari nyene baravyaranye na Diamond abana babiri.

Izo ngorane Diamond atera abakobwa bamukunze canke we yakunze, hari abigeme batazibona. Aha haravugwa umunyamideri Tahiya J. George yoba ariko arareshwa n’uwo muririmvyi. Si uwo gusa, hari kandi na Gygy Money, umuririmvyi-mumenyeshamakuru aherutse gutangaza ko akunda cane Diamond. Uwo mwigeme atangaza kandi ko na Diamond abizi ko amukunda. Yavuze ko anipfuza ko bobana. Gygy Money wewe avuga ko asumvya ubwiza Zari yafatwa nk’umugore w’inkwundwakazi wa Diamond.

Si Gygy Money ashobora kurwa mu mutego waguyewo abandi bigeme bitaye kuri Diamond, harimwo na Shaddy Boo. Uwo ni umunyarwandakazi nawe ahimbazwa cane no kuba ahurumbirwa na Diamond cane cane igihe agiye mu Rwanda. Shaddy Boo nyene aherutse kwitaba isabukuru y’amavuka ya Diamond aho yanakengurukiye cane Diamond ku butumire yamuhaye. N’uwo ashobora akaba ashobora guhamvya abandi bariko bidogera Diamond.


Kumenyekanisha

1
BUSURAHENDE 8-10-2017 à 04:23

Diamond yarumvise ubutumwa bwatangiwe ku Ntega mu ntara ya Kirundo. Uwubizi ni Jessica.

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha