Dj Pro mw’ihiganwa mpuzamakungu asaba gushigikirwa

Yanditswe na Cherif Nkeshimana
Kuya 11 Myandagaro 2017 saa 03:53
Yasomwe : 4428
0 0

Umuririmvyi Dj Pro yasubiye gutorwa mw’ihaganwa "Afrikan Entertainment Awards : USA (AEA USA). Uwo muririmvyi asubiye kuja muri iryo higanwa ubugira akabiri asaba Abarundi n’abanyamahanga bakunda umuziki ndundi kumushigikira.

Ramadhan Ciza azwi kw’izina rya Dj Pro ariko ahiganwa mu rwego rw’abaririmvyi bariko baduga cane mu muziki wa Afrika muri ico gisata, akaba ariko ahiganwa n’abandi 16 bo mu bihugu bitandukanye vya Afrika. Kuri iyi ncuro ya kabiri, Dj Pro avuga ko iyo ntambwe yayishikanyweko n’ururirimbo "Maisha na Muziki".

Dj Pro avuga kandi ko ku ncuro yiwe ya mbere yahungukiye ibitari bike na cane cane ko abategura iryo higanwa bamufashije kumenyekanisha indirimbo ziwe ku mboneshakure zitandukanye zo muri Afrika. EAU USA yamufashije kandi no kugurisha indirimbo ziwe biciye kuri YouTube. Ivyo rero bikamwinjiriza n’amahera bivanye n’uko abakunzi biwe bashimye (like) canke bazihanahanye (share).

Ramadhan asaba Abarundi n’abakunda umuziki w’Uburundi kumushigikira kugira ibendera ry’igihugu riboneke mu makungu.

Uwo kwipfuza kumuha amajwi yoca ku rubuga ngurukanabumenyi rwa African Entertnaiment Awards USA : http://www.aeausa.net/2017-nominees.

Tubibutse ko Dj Pro azwi cane mu ndirimbo nka Nivumilie, Kale Katoto yaririmbanye na Mkombozi, Touch me yakoranye na Black G, n’izindi.

Umviriza wongere urabe video y’ururirimbo Maisha na Muziki rwashikanye Dj Pro mw’ihiganwa.


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha