Fally Ipupa amenyesha ko agiye kuza mu biteramo i Bujumbura

Yanditswe na Cherif NKESHIMANA
Kuya 28 Gitugutu 2017 saa 02:38
Yasomwe : 8496
0 0

Hari video iriko ihanahanwa ku mbuga ngurukanabumenyi, aho umuririmvyi Fally Ipupa amenyesha ko agiye kuza mu biteramo i Bujumbura. Azoba abaye umuririmvyi w’igihangange wo mu gihugu ca Congo agiriye ibiteramo mu Burundi inyuma ya Koffi muri uno mwaka.

Fally Ipupa Nsimba aboneka mw’i video amenyesha abanyagisgara ca Bujumbura ko azoba ari kumwe nabo ku magenekerezo ya 24 na 25 Kigarama. Avuga ko azoba aje kwifadikanya n’Abarundi guhimbaza umunsi mukuru wa Noel. Naho biri uko, nta kibanza canke ikindi kintu cemeza ko ivyo Nsimba avuga arivyo.

Fally Ipupa azoba aje mu biteramo mu Burundi inyuma y’amezi make mugenzi we Koffi Olomidfe aciye mu gisagara ca Bujumbura.

Tubibutse ko Koffi Olomide wewe atorohewe mu gihe vyamenyekanye ko atahembwe amahera yategerezwa kuronka gushika naho umwe mu bateguye ibiteramo vyiwe ubu abarizwa mw’ibohero rikuru rya Mpimba.

Tubibutse kandi ko uwo yaririmvye "Kiname" canke "Chaise Electrique", aherutse gutahukana ikibanza ca gatandatu mu baririmvyi batunze bo ku mugabane wa Afrika.

Subira wumvirize kandi urabe na Video y’ururirimbo "Chaise Electrique yakoranye na Olivia yakoranye na 50Cent muri "Candy Shop"


Kumenyekanisha

TANGA ICIYUMVIRO

AMATEGEKO AGENGA IYANDIKWA RY’ICIYUMVIRO CAWE

Kumenyekanisha

Kumenyekanisha
Kumenyekanisha

Kumenyekanisha